കണ്ണൂരില്‍ കോണ്‍ഗ്രസ് വിമതര്‍ക്കെതിരേ വീണ്ടും നടപടി

കണ്ണൂര്‍: ജില്ലയില്‍ വിമത സ്ഥാനാര്‍ഥികള്‍ക്കെതിരേ കോണ്‍ഗ്രസ് അച്ചടക്ക നടപടി തുടരുന്നു. കണ്ണൂര്‍ കോര്‍പറേഷനിലെ വിമത സ്ഥാനാര്‍ഥികളെ സസ്‌പെന്‍ഡ് ചെയ്തതിനു പിന്നാലെ തലശ്ശേരി നഗരസഭയിലും പയ്യാവൂര്‍ പഞ്ചായത്തിലുമാണ് ഏറ്റവുമൊടുവില്‍ നടപടിയെടുത്തത്. പയ്യാവൂര്‍ പഞ്ചായത്തിലെ കണ്ടകശ്ശേരി വാര്‍ഡില്‍ മല്‍സരിക്കുന്ന ടി പി അഷ്‌റഫിനെയും തലശ്ശേരി നഗരസഭയില്‍ തിരുവങ്ങാട് ഡിവിഷനില്‍ മല്‍സരിക്കുന്ന വി വി ഷുഹൈബിനെയും സംഘടനാ നിര്‍ദേശം ലംഘിച്ചതിന് അച്ചടക്ക നടപടിയുടെ ഭാഗമായി പാര്‍ട്ടിയില്‍ സസ്‌പെന്റ് ചെയ്തതായി ഡിസിസി പ്രസിഡന്റ് സതീശന്‍ പാച്ചേനി അറിയിച്ചു. കെപിസിസി നിര്‍ദേശപ്രകാരമാണ് അച്ചടക്ക നടപടി സ്വീകരിച്ചതെന്നും അദ്ദേഹം അറിയിച്ചു.

Action again against Congress rebels in Kannur