ആലപ്പുഴയില്‍ വാട്ടര്‍ ടാങ്കിന് മുകളില്‍ കയറി ആത്മഹത്യാ ഭീഷണി മുഴക്കി മധ്യവയസ്‌കന്‍

ആലപ്പുഴ: രാമങ്കരിയില്‍ വാട്ടര്‍ ടാങ്കിന് മുകളില്‍ കയറി മധ്യവയസ്‌കന്‍ ആത്മഹത്യാ ഭീഷണി മുഴക്കി. കയറും പെട്രോളുമായാണ് ഇയാള്‍ വാട്ടര്‍ ടാങ്കിന് മുകളില്‍ കയറിയിരിക്കുന്നത്. പോലിസും അഗ്‌നിശമനസേനയും സ്ഥലത്തെത്തി ഇയാളെ അനുനയിപ്പിച്ച് താഴെയിക്കാന്‍ ശ്രമിക്കുകയാണ്.

ഇയാളുടെ ഭാര്യയും സഹോദരിയും സ്ഥലത്തെത്തിയിട്ടുണ്ട്. മകളെ കാണണമെന്നും ഇയാള്‍ പറഞ്ഞു. പരസ്പര വിരുദ്ധമായാണ് ഇയാള്‍ സംസാരിക്കുന്നതെന്ന് പോലിസ് പറഞ്ഞു. കുടുംബവഴക്കിനെത്തുടര്‍ന്ന് ഇയാള്‍ക്കെതിരേ നേരത്തെ പോലിസ് കേസെടുത്തിരുന്നു. തന്നെ കുടുക്കിയതാണെന്നും അതെല്ലാം ഒത്തുതീര്‍പ്പാക്കിയതാണെന്നും ഇയാള്‍ പറയുന്നുണ്ടെന്നും പോലിസ് കൂട്ടിച്ചേര്‍ത്തു.