ശ്രീ ചിത്രയില്‍ ജോലി ഒഴിവ്

തിരുവനന്തപുരം: തിരുവനന്തപുരത്തെ ശ്രീ ചിത്രതിരുനാള്‍ ഇന്‍സ്റ്റിറ്റ്യൂട്ട് ഫോര്‍ മെഡിക്കല്‍ സയന്‍സസ് ആന്റ് ടെക്നോളജിയില്‍ ടെക്നിക്കല്‍ അസിസ്റ്റന്റ്, സ്പീച്ച് തെറാപ്പിസ്റ്റ് തസ്തികകളില്‍ ഒഴിവ്. 179 ദിവസത്തെ കരാര്‍ അടിസ്ഥാനത്തിലായിരിക്കും നിയമനം. ടെക്നിക്കല്‍ അസിസ്റ്റന്റിന്റെ 8 ഒഴിവുകളാണുള്ളത്. ഇതില്‍ ജനറല്‍-3, ഒബിസി-2, എസ്സി-2, എസ്ടി-1 എന്നിങ്ങനെയാണ് സംവരണം. 179 ദിവസത്തേക്കാണ് നിയമനം.

യോഗ്യത: പ്രീഡിഗ്രി/ തത്തുല്യം, റേഡിയോ ഗ്രാഫിയില്‍ രണ്ട് വര്‍ഷത്തെ ഡിപ്ലോമ/ സര്‍ട്ടിഫിക്കറ്റ് കോഴിസ്/ അഡ്വാന്‍സ്ഡ് ഇമേജിംഗ് ടെക്നോളജിയില്‍ ഡിപ്ലോമയും മൂന്ന് വര്‍ഷത്തെ പ്രവര്‍ത്തി പരിചയവും. അല്ലെങ്കില്‍ റേഡിയോ ഗ്രാഫിയില്‍ ബിഎസ്സിയും നാല് വര്‍ഷത്തെ പ്രവര്‍ത്തി പരിചയവും. ഡിഎസ്എ/ എംആര്‍ ഐയില്‍ പ്രവര്‍ത്തിപരിചയം വേണം. 30300 രൂപയാണ് ശമ്പളം. പ്രായപരിധി 35 വയസ്. എഴുത്ത് പരീക്ഷ, സ്‌കില്‍ ടെസ്റ്റിലൂടെയായിരിക്കും തെരഞ്ഞെടുപ്പ്. താല്‍പര്യമുള്ളവര്‍ യോഗ്യത, പ്രായം, പ്രവര്‍ത്തി പരിചയം, എന്നിവ തെളിയിക്കുന്ന സര്‍ട്ടിഫിക്കറ്റുകളുടെ അസ്സല്‍പകര്‍പ്പും സാക്ഷ്യപ്പെടുത്തിയ പകര്‍പ്പുകളും സഹിതം ഓഗസ്റ്റ് 4 ന് രാവിലെ 9 മണിക്ക് ശ്രീ ചിത്രയിലെ അച്യൂതമേനോന്‍ സെന്റര്‍ ഫോര്‍ ഹെല്‍ത്ത് സയന്‍സ് സ്റ്റഡീസില്‍ എത്തണം.

ശ്രീ ചിത്രയില്‍ സ്പീച്ച് തെറാപ്പിസ്റ്റിന്റെ രണ്ട് ഒഴിവുകളിലേക്കും നിയമനം നടത്തുന്നു. സ്പീച്ച് ആന്റ് ഹിയറിംഗില്‍ എംഎസ്സിയും ഒരു വര്‍ഷത്തെ പ്രവര്‍ത്തി പരിചയവുമാണ് യോഗ്യത. അല്ലെങ്കില്‍ സ്പീച്ച് ആന്റ് ഹിയറിംഗില്‍ ബിഎസ്സിയും നാല് വര്‍ഷത്തെ പ്രവര്‍ത്തി പരിചയവും വേണം.

ശമ്പളം 38500 രൂപ. പ്രായപരിധി 35 വയസ്. പ്രായം, പ്രവര്‍ത്തി പരിചയം, എന്നിവ തെളിയിക്കുന്ന സര്‍ട്ടിഫിക്കറ്റുകളുടെ അസ്സല്‍പകര്‍പ്പും സാക്ഷ്യപ്പെടുത്തിയ പകര്‍പ്പുകളും സഹിതം ഓഗസ്റ്റ് 6 ന് രാവിലെ 9 മണിക്ക് ശ്രീ ചിത്രയിലെ അച്യൂതമേനോന്‍ സെന്റര്‍ ഫോര്‍ ഹെല്‍ത്ത് സയന്‍സ് സ്റ്റഡീസില്‍ എത്തണം.