Top

ഐഎച്ച്ആര്‍ഡി കോളജുകളില്‍ പിജി പ്രവേശനത്തിന് അപേക്ഷ ക്ഷണിച്ചു

ഐഎച്ച്ആര്‍ഡി കോളജുകളില്‍ പിജി പ്രവേശനത്തിന് അപേക്ഷ ക്ഷണിച്ചു
X

കണ്ണൂര്‍: ഐഎച്ച്ആര്‍ഡിക്കു കീഴില്‍ കണ്ണൂര്‍, കാലിക്കറ്റ്, എംജി സര്‍വകലാശാലകളുമായി അഫിലിയേറ്റ് ചെയ്തിട്ടുള്ള അപ്ലൈഡ് സയന്‍സ് കോളജുകളില്‍ 2020-21 അധ്യയന വര്‍ഷത്തെ ബിരുദാനന്തര ബിരുദ കോഴ്സുകളിലേക്ക് അപേക്ഷ ക്ഷണിച്ചു. പട്ടുവം (04602206050, 8547005048), ചീമേനി (04672257541, 8547005052), കൂത്തുപറമ്പ് (04902362123, 8547005051), പയ്യന്നൂര്‍ (04972877600, 8547005059), മഞ്ചേശ്വരം (04998215615, 8547005058), മാനന്തവാടി (04935245484, 8547005060), അഗളി (04924254699, ചേലക്കര (04884227181, 8547005064), കോഴിക്കോട് (04952765154, 8547005044), നാട്ടിക (04872395177, 8547005057), താമരശ്ശേരി (04952223243, 8547005025), വടക്കാഞ്ചേരി (04922255061, 8547005042), വാഴക്കാട് (04832727070, 8547005055), വട്ടംകുളം (04942689655, 8547005054), മുതുവള്ളൂര്‍ (04832713218/2714218, 8547005070), പയ്യപ്പാടി (പുതുപ്പള്ളി 0481-2351631, 8547005040) കോളേജുകളിലേക്കാണ് പ്രവേശനം.

അപേക്ഷകള്‍ http://ihrd.kerala.gov.in/cascap എന്ന വെബ്സൈറ്റ് വഴി സപ്തംബര്‍ നാലിന് രാവിലെ 10 മുതല്‍ ഓണ്‍ലൈനായി സമര്‍പ്പിക്കാം. ഓരോ കോളജിലെയും പ്രവേശനത്തിന് പ്രത്യേകം അപേക്ഷകള്‍ സമര്‍പ്പിക്കണം. ഓണ്‍ലൈനായി സമര്‍പ്പിച്ച അപേക്ഷയുടെ പ്രിന്റ് ഔട്ട്, നിര്‍ദ്ദിഷ്ട അനുബന്ധങ്ങളും, 500 രൂപ (എസ് സി, എസ് ടി 200 രൂപ) രജിസ്ട്രേഷന്‍ ഫീസ് ഓണ്‍ലൈനായി അടച്ച വിവരങ്ങളും സഹിതം പ്രവേശനം ആഗ്രഹിക്കുന്ന കോളജില്‍ ലഭിക്കണം. ഓഫ്ലൈനായി അപേക്ഷിക്കുന്നവര്‍ പൂരിപ്പിച്ച അപേക്ഷാ ഫോറം പ്രവേശനം ആഗ്രഹിക്കുന്ന കോളജിലെ പ്രിന്‍സിപ്പലിന്റെ പേരില്‍ മാറാവുന്ന 500 രൂപയുടെ ഡിമാന്റ് ഡ്രാഫ്റ്റ് സഹിതം(എസ് സി, എസ് ടി 200 രൂപ) രജിസ്ട്രേഷന്‍ ഫീസായി ബന്ധപ്പെട്ട കോളജുകളില്‍ അപേക്ഷിക്കണം. തുക കോളജുകളില്‍ നേരിട്ടും അടയ്ക്കാം.

എംജി സര്‍വ്വകലാശാലയുമായി അഫിലിയേറ്റ് ചെയ്ത പയ്യപ്പാടിയിലെ അപ്ലൈഡ് സയന്‍സ് കോളജില്‍ പുതുതായി അനുവദിച്ച ബികോം ഫിനാന്‍സ് ആന്റ് ടാക്സേഷന്‍ കോഴ്സിലേക്കും ഇപ്പോള്‍ അപേക്ഷിക്കാം. 350 രൂപയാണ് രജിസ്ട്രേഷന്‍ ഫീസ്. എസ് സി, എസ് ടി 150 രൂപ. വിശദവിവരങ്ങള്‍ www.ihrd.ac.in ല്‍ ലഭിക്കും.




Next Story

RELATED STORIES

Share it