വിദ്യാര്ഥികള്ക്കായി സംശയനിവാരണം; പത്താംതരം പരീക്ഷാഫലം വരുമ്പോള് കരിയര് ഗൈഡന്സ് കൗണ്സിലിങ് നല്കുമെന്ന് മന്ത്രി വി ശിവന്കുട്ടി
തിരുവനന്തപുരം: പത്താംതരം പരീക്ഷാഫലം വരുമ്പോള് കുട്ടികളുടെ സംശയനിവാരണത്തിന് ഹയര്സെക്കന്ഡറി വിഭാഗത്തിന്റെ കീഴിലുള്ള കരിയര് ഗൈഡന്സ് ആന്ഡ് കൗണ്സിലിങ് സെല് പ്രത്യേക കൗണ്സിലിങ് സെഷനുകള് നടത്തുമെന്ന് പൊതുവിദ്യാഭ്യാസ മന്ത്രി വി ശിവന്കുട്ടി. പത്താം ക്ലാസ് പരീക്ഷ എഴുതിയ വിദ്യാര്ഥികള്ക്കായുള്ള കരിയര് ഗൈഡന്സ് പ്രോഗ്രാം ഉദ്ഘാടനം ചെയ്യുകയായിരുന്നു മന്ത്രി.
ഹയര്സെക്കന്ഡറി വിഭാഗത്തിലെ വിദ്യാര്ഥികളുടെ കരിയര് സംബന്ധമായ സഹായങ്ങളും, കൗമാരക്കാരുടെ മാനസികാരോഗ്യം കാത്തുസംരക്ഷിക്കാനുള്ള വിവിധ പ്രവര്ത്തനങ്ങളുമാണ് സെല് ഇപ്പോള് നടത്തിവരുന്നത്. ഇതിന്റെ ഭാഗമായി സ്കൂളുകളില് സൗഹൃദ ക്ലബ്ബുകളും ക്ലബ്ബിന്റെ കോഡിനേറ്റര്മാരും പ്രവര്ത്തിച്ചുവരുന്നു. കഴിഞ്ഞ ദിവസങ്ങളില് പ്ലസ്ടു പരീക്ഷ എഴുതിയ വിദ്യാര്ഥികള്ക്കായി 'ആഫ്റ്റര് പ്ലസ് ടു' എന്നപേരില് 18 ദിവസം നീണ്ടുനിന്ന കരിയര് വെബിനാര് സംഘടിപ്പിച്ചിരുന്നു.
പത്താം ക്ലാസ് പരീക്ഷ എഴുതിയ വിദ്യാര്ഥികള്ക്കായി അഞ്ചുദിവസത്തെ കരിയര് ഗൈഡന്സ് പ്രോഗ്രാമാണ് ആരംഭിച്ചത്. പത്താംക്ലാസ് പരീക്ഷ എഴുതിയ കുട്ടിയെ സംബന്ധിച്ചിടത്തോളം അവരുടെ അഭിരുചിക്കനുസരിച്ച് സാധ്യമായ തുടര്പഠന മേഖലകളും തൊഴില് സാധ്യതയുമാണ് ഇതിലൂടെ കുട്ടികളിലേക്ക് എത്തിച്ചേരുന്നത്. വിഎച്ച്എസ്ഇ, ടെക്നിക്കല് ഹയര്സെക്കന്ഡറി, പോളിടെക്നിക് തുടങ്ങിയ വിവിധ സാധ്യതകള് പത്താം ക്ലാസിനു ശേഷം ഉണ്ടെന്ന് കുട്ടികളെ പരിചയപ്പെടുത്താന് ഈ പരിപാടിക്ക് കഴിയുമെന്നും മന്ത്രി ചൂണ്ടിക്കാട്ടി.
RELATED STORIES
കൂച്ച്ബിഹാറില് തിരഞ്ഞെടുപ്പ് ഡ്യൂട്ടിയില് ഉണ്ടായിരുന്ന സിആര്പിഎഫ്...
19 April 2024 6:32 AM GMTകോന്നി ഗവ മെഡിക്കല് കോളജ് അത്യാഹിതവിഭാഗത്തിലേക്ക് കാട്ടുപന്നിക്കുഞ്ഞ് ...
19 April 2024 6:30 AM GMTയു.എന്നില് ഫലസ്തീന് അംഗത്വം; രക്ഷാ സമിതിയുടെ പ്രമേയം വീറ്റോ ചെയ്ത്...
19 April 2024 6:08 AM GMTകാസര്കോടിന് പിന്നാലെ പത്തനംതിട്ട മണ്ഡലത്തിലും മോക് പോളില് ഇവി എം...
19 April 2024 5:53 AM GMTപൂരങ്ങളുടെ പൂരമായ തൃശൂർ പൂരത്തിന് തുടക്കമായി
19 April 2024 5:51 AM GMTഇറാനെ ആക്രമിച്ച് ഇസ്രായേല് ; ഇസ്ഫഹാന് നഗരത്തില് മിസൈല് ആക്രമണം,...
19 April 2024 5:27 AM GMT