ഒമിക്രോണ്: ഡല്ഹിയില് സാമൂഹിക വ്യാപനം; 46 ശതമാനം കേസുകളും രാജ്യ തലസ്ഥാനത്ത്
ആരോഗ്യമന്ത്രി സത്യേന്ദ്ര ജെയിന് നടത്തിയ വാര്ത്താ സമ്മേളനത്തിലാണ് ഡല്ഹിയില് ഒമിക്രോണ് സാമൂഹിക വ്യാപനമുണ്ടെന്ന് വ്യക്തമാക്കിയത്.
ന്യൂഡല്ഹി: ഡല്ഹിയില് ഒമിക്രോണ് സാമൂഹിക വ്യാപനമെന്ന് ആരോഗ്യമന്ത്രി സത്യേന്ദ്ര ജെയിന്. യാതൊരുവിധ യാത്രയും നടത്താത്തവര്ക്കും രോഗം ബാധിക്കുന്നത് സാമൂഹിക വ്യാപനത്തിന്റെ സൂചനയാണെന്നും മന്ത്രി പറഞ്ഞു. 263 ഒമിക്രോണ് കേസുകളാണ് ഡല്ഹിയില് ഇതുവരെ റിപോര്ട്ട് ചെയ്തിരിക്കുന്നത്.
ആരോഗ്യമന്ത്രി സത്യേന്ദ്ര ജെയിന് നടത്തിയ വാര്ത്താ സമ്മേളനത്തിലാണ് ഡല്ഹിയില് ഒമിക്രോണ് സാമൂഹിക വ്യാപനമുണ്ടെന്ന് വ്യക്തമാക്കിയത്. യാതൊരുവിധ യാത്രാ പശ്ചാത്തലവുമില്ലാത്തവര്ക്കും രോഗം ബാധിക്കുന്നെന്നും ഇത് ആശങ്ക സൃഷ്ടിക്കുന്നെന്നും അദ്ദേഹം പറഞ്ഞു.
ഡല്ഹിയിലെ ആകെ കൊവിഡ് കേസുകളുടെ 46 ശതമാനവും ഒമിക്രോണ് രോഗികളാണ്. ഇതില് 115 പേര്ക്കാണ് വിദേശയാത്രാ പശ്ചാത്തലമുള്ളത്. മറ്റുള്ളവര്ക്ക് ആര്ക്കും ഇത്തരത്തില് വിദേശയാത്രാ പശ്ചാത്തലമില്ലെന്നും സത്യേന്ദ്ര ജെയിന് പറഞ്ഞു. ഈ പശ്ചാത്തലത്തില് വരുംദിവസങ്ങളില് ഡല്ഹിയില് കൂടുതല് നിയന്ത്രണങ്ങള് ഏര്പ്പെടുത്താന് സാധ്യതയുണ്ട്. ഒറ്റദിവസം മാത്രം കൊവിഡ് കേസുകളില് 89 ശതമാനം വര്ധനയാണ് രേഖപ്പെടുത്തിയിരിക്കുന്നത്.
ഡല്ഹിയിലെ ഡിസാസ്റ്റര് മാനേജ്മെന്റ് അതോറിറ്റി (ഡിഡിഎംഎ) ബുധനാഴ്ച യോഗം ചേരുകയും സ്ഥിതിഗതികള് വിലയിരുത്തുകയും ചെയ്തിരുന്നു. ഒരാഴ്ച മുന്പു തന്നെ പ്രതിരോധ പ്രവര്ത്തനങ്ങള് ശക്തിപ്പെടുത്താനുള്ള നിര്ദേശം ഡിഡിഎംഎ നല്കുകയും ചെയ്തിരുന്നു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
