ഡല്ഹി മുസ് ലിം വിരുദ്ധ കലാപത്തില് ആകെ 1,829 അറസ്റ്റ്; 755 എഫ്ഐആറുകളില് 353 കേസുകളില് കുറ്റപത്രം നല്കി
പൗരത്വ ഭേദഗതി നിയമത്തിനെതിരേ സമാധാനപരമായി പ്രതിഷേധിച്ചിരുന്നവര്ക്കു നേരെ ഹിന്ദുത്വര് നടത്തിയ അക്രമമാണ് വടക്കുകിഴക്കന് ഡല്ഹിയില് കലാംപം വിതച്ചത്. 54 പേര് കൊല്ലപ്പെടുകയും നിരവധി മുസ് ലിം വീടുകളും സ്ഥാപനങ്ങളും വാഹനങ്ങളും അഗ്നിക്കിരയാക്കുകയും തകര്ക്കുകയും ചെയ്തിരുന്നു.
ന്യൂഡല്ഹി: 2020 ഫെബ്രുവരിയില് വടക്കുകിഴക്കന് ഡല്ഹിയില് നടന്ന മുസ് ലിം വിരുദ്ധ കലാപത്തില് ഇതുവരെ 1829 പേരെ അറസ്റ്റ് ചെയ്തതായി ആഭ്യന്തര മന്ത്രാലയം. 755 എഫ്ഐആര് രജിസ്റ്റര് ചെയ്തതില് 353 കേസുകളില് കുറ്റപത്രം സമര്പ്പിച്ചതായും ഡല്ഹി പോലിസ് നല്കിയ വിവരങ്ങള് ഉദ്ധരിച്ച് രാജ്യസഭയില് ആഭ്യന്തര മന്ത്രാലയം രേഖാമൂലം മറുപടി നല്കി. ഡല്ഹിയിലെ വടക്കുകിഴക്കന് ജില്ലയിലെ കലാപവുമായി ബന്ധപ്പെട്ട് 755 എഫ്ഐആര് രജിസ്റ്റര് ചെയ്തിട്ടുണ്ട്. ഇതില് 62 ഗുരുതരമായ കേസുകള് ക്രൈംബ്രാഞ്ചിലെ സ്പെഷ്യല് ഇന്വെസ്റ്റിഗേഷന് ടീമുകള്(എസ്ഐടി) ആണ് അന്വേഷിക്കുന്നത്. ക്രിമിനല് ഗൂഢാലാചന കേസ് സ്പെഷ്യല് സെല്ലാണ് അന്വേഷിക്കുന്നത്. ബാക്കി 692 കേസുകള് നോര്ത്ത് ഈസ്റ്റ് ഡിസ്ട്രിക്റ്റ് പോലിസാണ് അന്വേഷിക്കുന്നതെന്നും രേഖാമൂലം മറുപടി നല്കി.
പ്രകോപനപരമായ പ്രസംഗങ്ങള് നടത്തിയതിനു ചില രാഷ്ട്രീയ നേതാക്കളെ കുറിച്ച് അന്വേഷിക്കാന് ഉദ്ദേശിക്കുന്നുണ്ടോയെന്ന ചോദ്യത്തിന് എല്ലാ കേസുകളിലും വസ്തുതകളുടെയും തെളിവുകളുടെയും അടിസ്ഥാനത്തിലും ഏറ്റവും പുതിയ ശാസ്ത്ര സാങ്കേതിക വിദ്യകള് ഉപയോഗിച്ചുമാണ് അന്വേഷണം നടക്കുന്നതെന്നുമാണ് ആഭ്യന്തര മന്ത്രാലയത്തിന്റെ മറുപടി.
പൗരത്വ ഭേദഗതി നിയമത്തിനെതിരേ സമാധാനപരമായി പ്രതിഷേധിച്ചിരുന്നവര്ക്കു നേരെ ഹിന്ദുത്വര് നടത്തിയ അക്രമമാണ് വടക്കുകിഴക്കന് ഡല്ഹിയില് കലാംപം വിതച്ചത്. 54 പേര് കൊല്ലപ്പെടുകയും നിരവധി മുസ് ലിം വീടുകളും സ്ഥാപനങ്ങളും വാഹനങ്ങളും അഗ്നിക്കിരയാക്കുകയും തകര്ക്കുകയും ചെയ്തിരുന്നു. ബിജെപി നേതാവ് കപില് മിശ്ര ഉള്പ്പെടെയുള്ളവരുടെ പ്രകോപന പ്രസംഗങ്ങളാണ് ഹിന്ദുത്വ കലാപത്തിനു പ്രേരണയായതെന്നു നേരത്തേ കണ്ടെത്തിയിരുന്നു.
755 FIRs, 1,829 arrests, 353 cases chargesheeted in Delhi violence: MHA in Rajya Sabha
RELATED STORIES
ടി.ജി നന്ദകുമാറില് നിന്ന് 10 ലക്ഷം വാങ്ങിയെന്ന് സമ്മതിച്ച് ശോഭാ...
23 April 2024 2:14 PM GMTകുഞ്ഞാലിക്കുട്ടിയെ ശോഭാ സുരേന്ദ്രന് കണ്ടു; കെ മുരളീധരനെയും സമീപിച്ചു; ...
23 April 2024 1:54 PM GMTകളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTകെജ് രിവാളിനും കെ കവിതക്കും ജയിൽ മോചനമില്ല; ജുഡീഷ്യൽ കസ്റ്റഡി...
23 April 2024 11:46 AM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTസൂറത്തിലെ കോണ്ഗ്രസ് സ്ഥാനാര്ഥിയെ കാണാനില്ല; ബിജെപിയില്...
23 April 2024 11:34 AM GMT