മോദിക്കു മറുപടിയുമായി സ്റ്റാലിന്; ബിജെപിയുമായി സഖ്യത്തിനില്ല
സംസ്ഥാനങ്ങളുടെ അവകാശങ്ങള് ചവിട്ടിമെതിക്കുന്ന കേന്ദ്രസര്ക്കാറുമായി ഒരു തരത്തിലുള്ള സഖ്യത്തിനും തയ്യാറല്ലെന്നും സ്റ്റാലിന് വ്യക്തമാക്കി
പുതിയ പാര്ട്ടികളെ ബിജെപി സഖ്യത്തിലേക്ക് സ്വാഗതം ചെയ്യുന്നതായി നേരത്തെ ബിജെപി പ്രവര്ത്തകരുമായുള്ള സംവാദത്തിനിടെ മോദി വ്യക്തമാക്കിയിരുന്നു. ഇതിനു മറുപടിയെന്നോണമാണ് സ്റ്റാലിന്റെ പ്രതികരണം. ബിജെപി ഒറ്റയ്ക്ക് ഭൂരിപക്ഷം നേടിയിട്ടും സഖ്യകക്ഷികളുമായി ചേര്ന്ന് ഭരിക്കാന് തയ്യാറായി. പഴയ സുഹൃത്തുക്കളുമായി ചേരാന് ഒരുക്കമാണ്.പുതിയ പാര്ട്ടികളെ എല്ലായ്പ്പോഴും സ്വാഗതം ചെയ്യുന്നതായും
രാഷ്ട്രീയ പ്രശ്നങ്ങളേക്കാള് ജനങ്ങളുടെ സഖ്യത്തിനാണ് വിജയിക്കാനാവുകയെന്നും മോദി പറഞ്ഞിരുന്നു. ഡിഎംകെയെ കൂട്ടിപ്പിടിക്കാന് ലക്ഷ്യമിട്ടായിരുന്നു മോദിയുടെ ഈ പരാമര്ശം. പ്രധാനമന്ത്രി നരേന്ദ്രമോദി വാജ്പേയി അല്ലെന്നും അതിനാല് തന്നെ ഡിഎംകെയുടെ ബിജെപിയുമായുള്ള സഖ്യം അസാധ്യമാണെന്നും അദ്ദേഹം പറഞ്ഞു. മോദിയ്ക്കു കീഴിലുള്ള സഖ്യം ആരോഗ്യകരവുമല്ലെന്നും സ്റ്റാലിന് കൂട്ടിച്ചേര്ത്തു.