ബിജെപി കുഴല്‍പ്പണ കേസ്: 15ാം പ്രതിക്കായി അന്വേഷണം കര്‍ണാടകത്തിലേക്ക് വ്യാപിപ്പിച്ചു
കണ്ണൂര്‍ സ്വദേശി ഷിഗില്‍ ബംഗ്ലുരൂവിലാണ് ഒളിവില്‍ കഴിയുന്നതെന്ന വിവരത്തിന്റെ അടിസ്ഥാനത്തിലാണ് അന്വേഷണം കര്‍ണാടകയിലേക്ക് വ്യാപിപ്പിച്ചത്.
തൃശ്ശൂര്‍: കൊടകരയില്‍ ബിജെപിയുടെ കുഴല്‍പ്പണം കവര്‍ച്ച നടത്തിയ കേസിലെ 15ാം പ്രതിക്കായി അന്വേഷണം കര്‍ണാടകത്തിലേക്ക് വ്യാപിപ്പിച്ചു. കണ്ണൂര്‍ സ്വദേശി ഷിഗില്‍ ബംഗ്ലുരൂവിലാണ് ഒളിവില്‍ കഴിയുന്നതെന്ന വിവരത്തിന്റെ അടിസ്ഥാനത്തിലാണ് അന്വേഷണം കര്‍ണാടകയിലേക്ക് വ്യാപിപ്പിച്ചത്.
പ്രതിയെ പിടികൂടാന്‍ അന്വേഷണ സംഘം കര്‍ണാടക പോലിസിന്റെ സഹായം തേടിയിട്ടുണ്ട്. മൂന്ന് യുവാക്കള്‍ക്കൊപ്പം കാറിലാണ് ഷിഗില്‍ ചുറ്റിക്കറങ്ങുന്നതെന്നും ആശ്രമങ്ങള്‍ കേന്ദ്രീകരിച്ചാണ് താമസമെന്നും പോലിസ് പറയുന്നു. കവര്‍ച്ചാ പണത്തിലെ പത്ത് ലക്ഷം രൂപയാണ് ഷിഗിലിന്റ പക്കലുള്ളത്.