ഉംറ നിര്‍വ്വഹിച്ച് നാട്ടിലേക്ക് മടങ്ങാനെത്തിയ മലയാളി തീര്‍ത്ഥാടകന്‍ വിമാനത്താവളത്തില്‍ മരിച്ചു
കണ്ണൂര്‍ പാനൂര്‍ സ്വദേശി യൂസുഫ് പൊയില്‍ (73) ആണ് ഇന്ന് നാട്ടിലേക്ക് മടങ്ങാനിരിക്കെ മരണമടഞ്ഞത്.
ജിദ്ദ: ഉംറ നിര്‍വ്വഹിച്ച് നാട്ടിലേക്ക് മടങ്ങാനെത്തിയ മലയാളി തീര്‍ത്ഥാടകന്‍ ജിദ്ദ കിങ് അബ്ദുല്‍ അസീസ് വിമാനത്താവളത്തില്‍ വച്ച് മരിച്ചു. കണ്ണൂര്‍ പാനൂര്‍ സ്വദേശി യൂസുഫ് പൊയില്‍ (73) ആണ് ഇന്ന് നാട്ടിലേക്ക് മടങ്ങാനിരിക്കെ മരണമടഞ്ഞത്.
മക്ക, മദീന സന്ദര്‍ശനം കഴിഞ്ഞു ഭാര്യയോടൊപ്പം മടങ്ങാന്‍ വേണ്ടി ജിദ്ദ വിമാനത്താവളത്തില്‍ എത്തിയതായിരുന്നു. മൃതദേഹം കിംഗ് ഫഹദ് ഹോസ്പിറ്റല്‍ മോര്‍ച്ചറിയില്‍ സൂക്ഷിച്ചിരിക്കുകയാണ്.
മൃതദേഹം മറവ് ചെയ്യുന്നതിന് വേണ്ടിയുള്ള നടപടിക്രമങ്ങള്‍ ജിദ്ദ കെഎംസിസി വെല്‍ഫെയര്‍ വിങിന്റെ നേതൃത്വത്തില്‍ നടന്നുവരുന്നു.