13 വയസുകാരനെ പീഡിപ്പിച്ച യുവാവ് അറസ്റ്റില്‍
കുട്ടിയുടെ വീടിനോട് ചേര്‍ന്നുള്ള ആളൊഴിഞ്ഞ സ്ഥലത്ത് കൊണ്ടുപോയി പീഡിപ്പിക്കുകയായിരുന്നു. അധ്യാപകര്‍ നടത്തിയ കൗണ്‍സിലിംഗിലാണ് കുട്ടി ഇക്കാര്യം വെളിപ്പെടുത്തുന്നത്.
മലപ്പുറം: പെരിന്തല്‍മണ്ണയില്‍ 13 വയസ്സുകാരനെ പീഡിപ്പിച്ച യുവാവ് അറസ്റ്റിലായി. പുലാമന്തോള്‍ തിരുനാരായണപുരം സ്വദേശി മുജീബ് റഹ്മാനാ(35)നെയാണ് പെരിന്തല്‍മണ്ണ സിഐ ടി.എസ്. ബിനുവിന്റെ നേതൃത്വത്തിലുള്ള പൊലീസ് സംഘം പിടികൂടിയത്.
മൂന്ന് മാസം മുന്‍പാണ് സംഭവം. കുട്ടിയുടെ വീടിനോട് ചേര്‍ന്നുള്ള ആളൊഴിഞ്ഞ സ്ഥലത്ത് കൊണ്ടുപോയി പീഡിപ്പിക്കുകയായിരുന്നു. അധ്യാപകര്‍ നടത്തിയ കൗണ്‍സിലിംഗിലാണ് കുട്ടി ഇക്കാര്യം വെളിപ്പെടുത്തുന്നത്.