ശബരിമലയില് ദര്ശനം നടത്തിയെന്ന് വെല്ലുര് സ്വദേശിനി യുവതി
മണ്ഡലകാലത്ത് 52 അംഗ തീര്ഥാടക സംഘത്തിനൊപ്പമാണ് ദര്ശനം നടത്തിയത്.
പത്തനംതിട്ട: ശബരിമലയില് ദര്ശനം നടത്തിയെന്ന് തമിഴ്നാട് വെല്ലുര് സ്വദേശിയായ യുവതി. ഭര്ത്താവിനൊപ്പമാണ് ദര്ശനം നടത്തിയതെന്ന് വെല്ലുര് സ്വദേശിനി ശാന്തി പറഞ്ഞു. മണ്ഡലകാലത്ത് 52 അംഗ തീര്ഥാടക സംഘത്തിനൊപ്പമാണ് ദര്ശനം നടത്തിയത്. വെര്ച്വല് ക്യൂ വഴി മുന്കൂര് രജിസ്റ്റര് ചെയ്താണെത്തിയത്. സര്ക്കാര് നല്കിയ പട്ടികയിലെ പന്ത്രണ്ടാമത്തെ പേരുകാരിയാണ് ശാന്തി. വൃതമെടുത്താണ് പോയതെന്ന് ശാന്തി മാധ്യമങ്ങളോട് പറഞ്ഞു. ആധാര് കാര്ഡടക്കമുള്ള രേഖകളിലും ഇവര്ക്ക് 48 വയസാണ്.