എ സഈദ്: ഇസ്ലാമിന്റെ വിമോചനാത്മക മുഖം തുറന്നുകാണിച്ച ജനനേതാവ്- ഇമാംസ് കൗണ്സില്
മലപ്പുറം: എസ്ഡിപിഐ മുന് ദേശീയ പ്രസിഡന്റും പ്രമുഖ ഇസ്ലാമിക ചിന്തകനുമായ എ സഈദിന്റെ വിയോഗം മുസ്ലിംകള്ക്കും ഇതര മര്ദിത ജനവിഭാഗങ്ങള്ക്കും കനത്ത നഷ്ടമാണെന്ന് ഓള് ഇന്ത്യ ഇമാംസ് കൗണ്സില് സംസ്ഥാന ജനറല് സെക്രട്ടറി അര്ഷദ് മുഹമ്മദ് നദ്വി.
ഒരേസമയം ഇസ്ലാമികവും ഭരണഘടനാപരവുമായ വിമോചനരാഷ്ട്രീയ ആശയങ്ങള് അവതരിപ്പിച്ച് ഇന്ത്യന് മുസ്ലിംകള്ക്ക് ദിശാബോധവും സമരോല്സുകതയും ആത്മവിശ്വാസവും പകര്ന്നുനല്കിയ പണ്ഡിതനും നേതാവുമായിരുന്നു എ സഈദ്. ഇസ്ലാമിക പ്രമാണങ്ങളിലുള്ള അദ്ദേഹത്തിന്റെ ആഴത്തിലുള്ള അറിവും ചിന്തയും സാമൂഹ്യപ്രവര്ത്തകര്ക്ക് എന്നും പ്രചോദനമായിരിക്കുമെന്നും അദ്ദേഹം അനുസ്മരിച്ചു.