പ്രളയം: മുഖ്യമന്ത്രിക്ക് രാഹുൽ ഗാന്ധി കത്തയച്ചു
പ്രളയത്തില്‍ നഷ്ടപെടുകയോ നശിക്കുകയോ ചെയ്ത സുപ്രധാന രേഖകളും വിദ്യാഭ്യാസ സര്‍ട്ടിഫിക്കറ്റുകളും അടക്കമുള്ള ലഭ്യമാക്കാന്‍ ഏകജാലക സംവിധാനം വേണമെന്ന് ആവശ്യപ്പെട്ടാണ് കത്തയച്ചത്.
തിരുവനന്തപുരം: പ്രളയത്തിന്റെ പശ്ചാത്തലത്തിൽ മുഖ്യമന്ത്രി പിണറായി വിജയന് വയനാട് എം.പി രാഹുല്‍ ഗാന്ധി കത്തയച്ചു. തന്റെ മണ്ഡലമായ വയനാട്ടിലെ ജനങ്ങളുടെ റേഷൻ കാർഡ്, ആധാർ കാർഡ് ഉൾപ്പടെയുള്ള സുപ്രധാന രേഖകളെല്ലാം നഷ്ടപ്പെട്ട സാഹചര്യം ചൂണ്ടിക്കാട്ടിയാണ് കത്ത്.
പ്രളയത്തില്‍ നഷ്ടപെടുകയോ നശിക്കുകയോ ചെയ്ത സുപ്രധാന രേഖകളും വിദ്യാഭ്യാസ സര്‍ട്ടിഫിക്കറ്റുകളും അടക്കമുള്ള ലഭ്യമാക്കാന്‍ ഏകജാലക സംവിധാനം വേണമെന്ന് ആവശ്യപ്പെട്ടാണ് കത്തയച്ചത്. രേഖകൾക്കായി ജനങ്ങൾ നിരവധി ഓഫീസുകൾ കയറിയിറങ്ങുകയാണ്.
ഇതിനായി നോഡല്‍ ഓഫീസറെ നിയമിക്കണം. വിവിധ വകുപ്പുകളില്‍ കയറിയിറങ്ങി നടക്കേണ്ട സാഹചര്യം ഒഴിവാക്കാന്‍ സര്‍ക്കാര്‍ നടപടി സ്വീകരിക്കുമെന്ന് പ്രതീക്ഷിക്കുന്നതായും കത്തില്‍ പറയുന്നു.