ചാലക്കുടി എസ് ഡി പി ഐ സ്ഥാനാര്‍ഥി പി പി മൊയ്തീന്‍ കുഞ്ഞ് പത്രിക സമര്‍പ്പിച്ചു
എറണാകുളം കലക്ട്ട്രേറ്റിലെത്തി ജില്ലാ കലക്ടര്‍ മുഹമ്മദ് വൈ സഫീറുല്ല മുമ്പാകെയയാണ് പത്രിക സമര്‍പ്പിച്ചത്.എല്ലാ മേഖലകളിലും മികച്ച മുന്നേറ്റമുണ്ടാക്കാന്‍ എസ്ഡിപി ഐക്ക് കഴിയുന്നുണ്ടെന്ന് പി പി മൊയ്തിന്‍ കുഞ്ഞ്
കൊച്ചി.ലോക് സഭാ തിരഞ്ഞെടുപ്പില്‍ ചാലക്കുടി മണ്ഡലത്തില്‍ എസ്ഡിപി ഐ സ്ഥാനാര്‍ഥിയായി മല്‍സരിക്കുന്ന പി പി മൊയ്തീന്‍ കുഞ്ഞ് നാമ നിര്‍ദേശ പത്രിക സമര്‍പ്പിച്ചു.പാര്‍ടി ജില്ലാ കമ്മറ്റി ഓഫീസില്‍ നിന്ന് പ്രവര്‍ത്തകരുടെ അകമ്പടിയോടെ എറണാകുളം കലക്ട്ട്രേറ്റിലെത്തി ജില്ലാ കലക്ടര്‍ മുഹമ്മദ് വൈ സഫീറുല്ല മുമ്പാകെയയാണ് പത്രിക സമര്‍പ്പിച്ചത്.
എസ് ഡി പി ഐ സംസ്ഥാന വൈസ് പ്രസിഡന്റ് എം കെ മനോജ് കുമാര്‍, സംസ്ഥാന ജനറല്‍ സെക്രട്ടറി റോയ് അറക്കല്‍, ജില്ലാ പ്രസിഡന്റ് ഷമീര്‍ മാഞ്ഞാലി, വൈസ് പ്രസിഡന്റ് അജ്മല്‍ കെ മുജീബ്, ജില്ലാ സെക്രട്ടറി ബാബു വേങ്ങൂര്‍, ജില്ലാ ട്രഷറര്‍ സുധീര്‍ ഏലൂക്കര എസ് ഡി റ്റി യു ജില്ലാ പ്രസിഡന്റ് റഷീദ് എടയപ്പുറം, ജില്ലാ സമിതി അംഗം നാസര്‍ എളമന എന്നിവരും സ്ഥാനാര്‍ഥിക്കൊപ്പമുണ്ടായിരുന്നു.ചാലക്കുടിയില്‍ മികച്ച പ്രവര്‍ത്തനമാണ് നടക്കുന്നതെന്നും എല്ലാ മേഖലകളിലും മികച്ച മുന്നേറ്റമുണ്ടാക്കാന്‍ എസ്ഡിപി ഐക്ക് കഴിയുന്നുണ്ടെന്നും പി പി മൊയ്തിന്‍ കുഞ്ഞ് പറഞ്ഞു.