കെഎം ബഷീറിന്റെ ഭാര്യക്ക് ജോലിയും കുടുംബത്തിന് സഹായവും നല്കുമെന്ന് സര്ക്കാര്
തിരുവനന്തപുരം: തിരുവനന്തപുരത്ത് ഐഎഎസ് ഉദ്യോഗസ്ഥന് ശ്രീറാം വെങ്കിട്ടരാമന് ഓടിച്ച വാഹനമിടിച്ചു മരിച്ച മാധ്യമ പ്രവര്ത്തകന് കെഎം ബഷീറിന്റെ ഭാര്യയ്ക്ക് സര്ക്കാര് ജോലി നല്കുമെന്ന് സര്ക്കാര്. തിരൂര് മലയാളം സര്വകലാശാലയില് ജോലി നല്കാനാണ് ഇന്നു ചേര്ന്ന മന്ത്രിസഭായോഗത്തില് തീരുമാനിച്ചത്. കൂടാതെ ബഷീറിന്റെ കുടുംബത്തിന് നാലു ലക്ഷം രൂപ സഹായധനം നല്കാനും മന്ത്രിസഭാ യോഗം തീരുമാനിച്ചു. ബഷീറിന്റെ ഭാര്യക്കും മക്കള്ക്കുമായി രണ്ടു ലക്ഷം രൂപ വീതമാണ് നല്കുക.