മൂന്ന് കിലോ കഞ്ചാവുമായി രണ്ട് പേര് അറസ്റ്റില്
നിലമേല് കുരിയോടു നിന്ന് കുമ്മിള് പാറവിള വീട്ടില് വിഷ്ണു (30), കുമ്മിള് തെക്കാവ്മുക്ക് തോട്ടില് കരവീട്ടില് അല്അമീന് (22) എന്നിവരെയാണ് പിടിയിലായത്.
കൊല്ലം: തമിഴ്നാട്ടില് നിന്ന് വില്പ്പനയ്ക്കായി കൊണ്ടുവന്ന മൂന്ന് കിലോ കഞ്ചാവ് ചടയമംഗലം എക്സൈസ് റേഞ്ച് ഇന്സ്പെക്ടര് എന് ജി അജയകുമാറിന്റെ നേതൃത്വത്തിലുള്ള എക്സൈസ് സംഘം പിടികൂടി. നിലമേല് കുരിയോടു നിന്ന് കുമ്മിള് പാറവിള വീട്ടില് വിഷ്ണു (30), കുമ്മിള് തെക്കാവ്മുക്ക് തോട്ടില് കരവീട്ടില് അല്അമീന് (22) എന്നിവരെയാണ് പിടിയിലായത്.
വിഷ്ണു നിലമേലില് കുടുംബസമേതം വാടകവീട്ടിലാണ് താമസം. ഇവിടെ നിത്യസന്ദര്ശകനാണ് അല്അമീന്. കഞ്ചാവുമായി വില്പനയ്ക്ക് ഇരുചക്രവാഹനത്തില് വരുമ്പോഴാണ് ഇവര് അറസ്റ്റിലായത്. പിന്നീട് വീട്ടില് നടത്തിയ പരിശോധനയില് കൂടുതല് കഞ്ചാവ് കണ്ടെത്തുകയായിരുന്നു.
വാനിറ്റിബാഗിനുള്ളിലെ പാവയ്ക്കുള്ളില് ഒളിപ്പിച്ച നിലയിലായിരുന്നു കഞ്ചാവ്. കോളനികള് കേന്ദ്രീകരിച്ച് ഏറെക്കാലമായി ഇവര് കഞ്ചാവ് വില്പ്പന നടത്തിവരികയായിരുന്നു. കുരിയോട്, കുന്നുംപുറം, നിലമേല് എന്നിവിടങ്ങളിലെ സ്കൂള്/കോളജ് പരിസരങ്ങള് കേന്ദ്രീകരിച്ചാണ് പ്രധാന വില്പ്പന. പ്രതികള് മുമ്പും കഞ്ചാവ് കേസുമായി ബന്ധപ്പെട്ട് ശിക്ഷ അനുഭവിച്ചിട്ടുണ്ട്. പ്രിവന്റീവ് ഓഫിസര്മാരായ കെ എസ് രാജേഷ്, ഷാനവാസ്, സിവില് എക്സൈസ് ഓഫിസര്മാരായ അജേഷ്, മധു, അഫ്സല്, വിനിത സിവില് എക്സൈസ് ഓഫിസര് ഗീതു ജി കൃഷ്ണ എന്നിവരാണ് എക്സൈസ് സംഘത്തിലുണ്ടായിരുന്നത്.