റബ്ബര്‍ റോളറുകള്‍ മോഷ്ടിക്കുന്ന സംഘം പോലിസ് പിടിയില്‍
ഭൂതത്താന്‍കെട്ട് സ്വദേശികളായ കാഞ്ഞിരം വിളയില്‍ ബിനു (പൊടിയന്‍ 30), ഒറവുങ്കചാലില്‍ വീട്ടില്‍ സൈക്കോ (39), പീടികയില്‍ വീട്ടില്‍ സലാം (41) എന്നിവരാണ് കോതമംഗലം പോലിസിന്റെ പിടിയിലായത്
കൊച്ചി: റബ്ബര്‍ റോളറുകള്‍ മോഷ്ടിക്കുന്ന സംഘം പോലിസ് പിടിയില്‍. ഭൂതത്താന്‍കെട്ട് സ്വദേശികളായ കാഞ്ഞിരം വിളയില്‍ ബിനു (പൊടിയന്‍ 30), ഒറവുങ്കചാലില്‍ വീട്ടില്‍ സൈക്കോ (39), പീടികയില്‍ വീട്ടില്‍ സലാം (41) എന്നിവരാണ് കോതമംഗലം പോലിസിന്റെ പിടിയിലായത്. ഭൂതത്താന്‍കെട്ട് ഭാഗത്തു നിന്നുമാണ് സംഘം റബ്ബര്‍ റോളറുകള്‍ മോഷ്ടിച്ചത്. പകല്‍ സമയം കറങ്ങി നടന്ന് റോളറുകള്‍ കണ്ടുവയ്ക്കുകയും രാത്രി മോഷ്ടിക്കുകയുമാണ് ഇവരുടെ രീതി.
മൂന്നു റോളറുകളാണ് സംഘം മോഷ്ടിച്ചത്. ഉടമസ്ഥരുടെ പരാതിയെ തുടര്‍ന്ന് പ്രത്യേക ടീം രൂപീകരിച്ച് പോലിസ് നടത്തിയ അന്വേഷണത്തിലാണ് പ്രതികള്‍ പിടിയിലാകുന്നത്. എസ്എച്ച് ഒ ബേസില്‍ തോമസ്, എസ്‌ഐമാരായ മാഹിന്‍ സലിം, എം ടി റെജി, എഎസ്‌ഐ മാരായ രഘുനാഥ്, മുഹമ്മദ് സിപിഒമാരായ ഷിയാസ്, ദീലിപ്, പ്രദീപ്, അജിംസ്, ജിതേഷ് തുടങ്ങിയവരാണ് അന്വേഷണ സംഘത്തിലുണ്ടായിരുന്നത്. സംഭവത്തെക്കുറിച്ച് അന്വേഷണം വ്യാപിപ്പിച്ചിട്ടുണ്ട്.