പെരിന്തല്‍മണ്ണ: പാലക്കാട്-കോഴിക്കോട് ദേശീയപാതയില്‍ പനങ്ങാങ്ങര അങ്ങാടിയില്‍ രണ്ട് ലോറിയും അള്‍ടോ കാറും കൂട്ടിയിടിച്ച് പിതാവും മകനും മരിച്ചു. കരിങ്കല്ലത്താണി അരക്കുപറമ്പ് മാട്ടറ മലങ്കര റോഡിലെ പട്ടണം സൈതാലിയുടെ മകന്‍ ഹംസപ്പയും(40) മകന്‍ ബാദുഷയും(8) ആണ് അപകടത്തില്‍ മരിച്ചത്. ഹംസപ്പയുടെ ഭാര്യ റഹീനക്ക് പരിക്കുണ്ട്. ഇവരുടെ മകള്‍ ഹര്‍ഷീനക്ക് സാരമായ പരിക്ക് ഉള്ളതിനാല്‍ ഐസിയുവില്‍ പ്രവേശിപ്പിച്ചു. മറ്റൊരു മകള്‍ ഹിഷാനക്കും പരിക്കുണ്ട്. ഇവര്‍ സഞ്ചരിച്ചിരുന്ന കാറാണ് അപകടത്തില്‍ പെട്ടത്.
പരിക്കേറ്റവരെ പെരിന്തല്‍മണ്ണയിലെ മൗലാനാആശുപത്രിയിലും അല്‍ശിഫയിലും പ്രവേശിപ്പിച്ചിരിക്കുകയാണ്.