ഭുവനേശ്വര്: ഒഡീഷ മുഖ്യമന്ത്രി നവീന് പട്നായികിന്റെ വസതിയായ നവീന് നിവാസിന്റെ മുന്നില് യുവതിയുടെ ആത്മഹത്യാ ശ്രമം. ഉഡാല നിയോജകമണ്ഡലത്തിലെ ബിജെഡി സ്ഥാനാര്ഥി ശ്രീനാഥ് സോറന് ലൈംഗികമായി പീഡിപ്പിച്ചെന്ന് ആരോപിച്ചാണ് മുഖ്യമന്ത്രിയുടെ വസതിക്കുമുന്നിലെത്തിയ യുവതി ആത്മഹത്യക്കു ശ്രമിച്ചത്. മണ്ണെണ്ണയൊഴിച്ച് തീകൊളുത്താനൊരുങ്ങിയ യുവതി സുരക്ഷാ ജീവനക്കാര് രക്ഷിക്കുകയായിരുന്നു. ശ്രീനാഥ് സോറന് ലൈംഗികമായി പീഡിപ്പിച്ചെന്നും പോലിസില് പരാതി നല്കിയെങ്കിലും നടപടി കൈക്കൊണ്ടില്ലെന്നും യുവതി ആരോപിച്ചു. ഇതിനാലാണ് ആത്മഹത്യ ചെയ്യാന് തീരുമാനിച്ചതെന്നും യുവതി പറഞ്ഞു. എന്നാല് രാഷ്ട്രീയ എതിരാളികള് യുവതിയെ ഉപയോഗിച്ചു തന്നെ വ്യക്തിഹത്യ ചെയ്യുകയാണെന്നു ശ്രീനാഥ് സോറന് പറഞ്ഞു. ആത്മഹത്യാ ശ്രമം തടഞ്ഞ സുരക്ഷാ ഉദ്യോഗസ്ഥര് യുവതിയെ ആശുപത്രിയില് പ്രവേശിപ്പിച്ചു. യുവതിയുടെ ആരോഗ്യനില തൃപ്തികരമാണെന്നു ഭുവനേശ്വര് ഡിസിപി അറിയിച്ചു.