മോദി സ്തുതി: ജയറാം രമേശിനും അഭിഷേക് സിംഗ്വിക്കും പിന്തുണയുമായി ശശി തരൂര്
മോദി പറയുന്നതും ചെയ്യുന്നതും നല്ല കാര്യമായാല് അഭിനന്ദിക്കപ്പെടണം. എങ്കില് മാത്രമേ മോദിക്കെതിരെയുള്ള നമ്മുടെ വിമര്ശനത്തിന് വിശ്വാസ്യതയുണ്ടാകൂവെന്നും തരൂര് ട്വിറ്ററില് കുറിച്ചു.
ന്യൂഡല്ഹി: നരേന്ദ്രമോദിയെ സ്തുതിച്ച് രംഗത്തെത്തിയ മുതിര്ന്ന കോണ്ഗ്രസ്സ് നേതാക്കളെ പിന്താങ്ങി തിരുവനന്തപുരം എംപി ശശി തരൂരും. പ്രധാനമന്ത്രി നരേന്ദ്ര മോദിയെ എപ്പോഴും ദുഷ്ടനായി ചിത്രീകരിക്കുന്ന ശൈലി ഗുണം ചെയ്യില്ലെന്ന് മുതിര്ന്ന കോണ്ഗ്രസ് നേതാക്കളായ ജയറാം രമേശും മനു അഭിഷേക് സിഗ്വിയുടെയും പറഞ്ഞിരുന്നു. ഈ അഭിപ്രായത്തേയാണ് ശശി തരൂര് പിന്താങ്ങിയത്.
കഴിഞ്ഞ ആറ് വര്ഷമായി ഞാന് ഇക്കാര്യം പറയുകയാണ്. മോദി പറയുന്നതും ചെയ്യുന്നതും നല്ല കാര്യമായാല് അഭിനന്ദിക്കപ്പെടണം. എങ്കില് മാത്രമേ മോദിക്കെതിരെയുള്ള നമ്മുടെ വിമര്ശനത്തിന് വിശ്വാസ്യതയുണ്ടാകൂവെന്നും തരൂര് ട്വിറ്ററില് കുറിച്ചു. മോദി സ്തുതിയുമായി ജയറാം രമേശാണ് ആദ്യം രംഗത്തെത്തിയത്. പിന്തുണയുമായി അഭിഷേക് സിംഗ്വിയും രംഗത്തെത്തി.