'രാജ്യത്തെ ഒറ്റുകാരെ വെടിവയ്ക്കൂ' ആഹ്വാനം ചെയ്ത് കേന്ദ്ര മന്ത്രി അനുരാഗ് താക്കൂര്
ഡല്ഹിയിലെ ബിജെപി പ്രചാരണ യോഗത്തിലായിരുന്നു സംഭവം. കേന്ദ്ര ആഭ്യന്തര മന്ത്രി അമിത് ഷായും ഗിരിരാജ് സിങ്ങും ഈ പരിപാടിയില് പങ്കെടുത്തിരുന്നു.
ന്യൂഡല്ഹി: ഡല്ഹി നിയമസഭാ തിരഞ്ഞെടുപ്പ് റാലിയില് വിവാദ പ്രസ്താവനയുമായി കേന്ദ്ര ധനകാര്യ സഹമന്ത്രി അനുരാഗ് താക്കൂര്. രാജ്യത്തെ ഒറ്റുകാരെ വെടിവയ്ക്കൂ എന്ന് ആഹ്വാനം ചെയ്തും പ്രവര്ത്തകരെ കൊണ്ട് അനുരാഗ് താക്കൂര് മുദ്രാവാക്യം ഏറ്റുവിളിപ്പിക്കുകയും ചെയ്തു. ഇതിന്റെ വീഡിയോ സാമൂഹിക മാധ്യമങ്ങളില് പ്രചരിക്കുന്നുണ്ട്.
Shocking: It was a local BJP leader from Delhi back then, its now a front line BJP leader and MoS Finance, Anurag Thakur who is leading the crowd to chant "Desh ke gaddaron ko, Goli maro salon ko".
— Prashant Kumar (@scribe_prashant) January 27, 2020
Such is the level of politics, ladies and gentlemen! pic.twitter.com/rXZ8M8m6lz
ഡല്ഹിയിലെ ബിജെപി പ്രചാരണ യോഗത്തിലായിരുന്നു സംഭവം. കേന്ദ്ര ആഭ്യന്തര മന്ത്രി അമിത് ഷായും ഗിരിരാജ് സിങ്ങും ഈ പരിപാടിയില് പങ്കെടുത്തിരുന്നു. ഈ സംഭവത്തിന് ശേഷമായിരുന്നു അമിത് ഷാ എത്തിയത്. താക്കൂറിന്റെ പരാമര്ശത്തിനെതിരേ പ്രതിപക്ഷ പാര്ട്ടികള് രംഗത്തെത്തി. തിരഞ്ഞെടുപ്പ് കമ്മീഷന് പരാതി നല്കുമെന്ന് എഎപി നേതാക്കള് അറിയിച്ചു.
തൊഴിലില്ലായ്മ, സാമ്പത്തിക പ്രതിസന്ധി, വിലകയറ്റം തുടങ്ങിയ പ്രതിസന്ധികള് രാജ്യം നേരിടുന്നതിനിടെ കേന്ദ്ര ധനകാര്യ സഹ മന്ത്രി ആളുകളെ വെടിവെച്ച് കൊല്ലാന് ആഹ്വാനം ചെയ്ത് നടക്കുകയാണെന്ന് എഎപി നേതാക്കള് ആരോപിച്ചു. ജനവുരി അഞ്ചിന് ജവഹര്ലാല് നെഹ്റു സര്വകലാശാലയിലെ സംഘര്ഷത്തിനിടയിലും സംഘപരിവാര് സംഘടനകള് സമാനമായ മുദ്രാവാക്യം ഉയര്ത്തിയിരുന്നു.