കംപ്യൂട്ടറിന്റെ സിപിയുവില്‍ ഒളിച്ചുകടത്തിയ 30 ലക്ഷത്തിന്റെ സ്വര്‍ണം പിടികൂടി
ചെന്നൈ അന്താരാഷ്ട്രവിമാനത്താവളത്തിലാണ് സംഭവം.
ചെന്നൈ: കംപ്യൂട്ടറിന്റെ സിപിയുവില്‍ ഒളിച്ചുകടത്തിയ സ്വര്‍ണം പിടികൂടി. ചെന്നൈ അന്താരാഷ്ട്രവിമാനത്താവളത്തിലാണ് സംഭവം. വിമാനത്താവളത്തിലെ കസ്റ്റംസ് ഉദ്യോഗസ്ഥര്‍ നടത്തിയ പരിശോധനയിലാണ് സ്വര്‍ണം പിടികൂടിയത്.
രണ്ട് സിപിയുകളിലായി 748 ഗ്രാം സ്വര്‍ണമാണ് ഒളിച്ചുകടത്താന്‍ ശ്രമിച്ചത്. ഏകദേശം 29.3 ലക്ഷം രൂപ വിലവരുന്നതാണ് സ്വര്‍ണമെന്ന് കസ്റ്റംസ് ഉദ്യോഗസ്ഥര്‍ പറയുന്നു. സംഭവവുമായി ബന്ധപ്പെട്ട് ഒരാളെ കസ്റ്റംസ് സംഘം കസ്റ്റഡിയിലെടുത്തിട്ടുണ്ട്.