മുസ്‌ലിം വിരുദ്ധ പ്രസംഗം: ശ്രീധരന്‍ പിള്ളയ്ക്ക് കേന്ദ്ര തിരഞ്ഞെടുപ്പ് കമ്മീഷന്റെ നോട്ടീസ്
24 മണിക്കൂറിനകം മറുപടി നല്‍കണമെന്നാവശ്യപ്പെട്ടാണ് നോട്ടീസ് നല്‍കിയത്
കോഴിക്കോട്: പ്രസംഗത്തിനിടെ മുസ്‌ലിം വിരുദ്ധ പരാമര്‍ശം നടത്തിയതിനു ബിജെപി സംസ്ഥാന പ്രസിഡന്റ് അഡ്വ. പി എസ് ശ്രീധരന്‍ പിള്ളയ്ക്ക് കേന്ദ്ര തിരഞ്ഞെടുപ്പ് കമ്മീഷന്റെ നോട്ടീസ്. 24 മണിക്കൂറിനകം മറുപടി നല്‍കണമെന്നാവശ്യപ്പെട്ടാണ് നോട്ടീസ് നല്‍കിയത്. ബാലാകോട്ട് ആക്രമണം സംബന്ധിച്ച പരാമര്‍ശത്തിനിടെ മുസ്‌ലിം സമുദായത്തെ അപമാനിച്ചെന്നാണു പരാതി. ശ്രീധരന്‍പിള്ള തിരഞ്ഞെടുപ്പ് ചട്ടം ലംഘിച്ചെന്നു മുഖ്യ തിരഞ്ഞെടുപ്പ് ഓഫിസര്‍ റിപോര്‍ട്ട് നല്‍കിയിരുന്നു. ഇതിന്റഎ അടിസ്ഥാനത്തിലാണ് കേന്ദ്ര തിരഞ്ഞെടുപ്പ് കമ്മീഷന്റെ നടപടി.