60കാരിയെ തലയ്ക്കടിച്ച് കൊന്നു, സ്വര്ണം കവര്ന്നു; സഹപ്രവര്ത്തകന് പിടിയില്
തലശ്ശേരി മെയിന് റോഡ് മട്ടാമ്പ്രം തിലകന്റെ ഭാര്യ നിര്മലയാണ് കൊല്ലപ്പെട്ടത്. കൊല്ലപ്പെട്ട നിര്മലയുടെ ഏഴുപവനോളം വരുന്ന സ്വര്ണാഭരണങ്ങള് കവര്ന്ന നിലയിലായിരുന്നു.
കണ്ണൂര്: തലശ്ശേരിയില് പാചകത്തൊഴിലാളിയായ 60കാരിയെ തലയ്ക്കടിച്ച് കൊലപ്പെടുത്തി. തലശ്ശേരി മെയിന് റോഡ് മട്ടാമ്പ്രം തിലകന്റെ ഭാര്യ നിര്മലയാണ് കൊല്ലപ്പെട്ടത്. കൊല്ലപ്പെട്ട നിര്മലയുടെ ഏഴുപവനോളം വരുന്ന സ്വര്ണാഭരണങ്ങള് കവര്ന്ന നിലയിലായിരുന്നു.
സംഭവവുമായി ബന്ധപ്പെട്ട് സഹപ്രവര്ത്തകനും അഴിയൂര് കുഞ്ഞിപ്പള്ളി സ്വദേശിയുമായ കുഞ്ഞിമുഹമ്മദിനെ(58) പോലിസ് കസ്റ്റഡിയിലെടുത്തു. സ്വര്ണാഭരണങ്ങള് കൈക്കലാക്കാന് വേണ്ടിയാണ് കൊലപാതകം നടത്തിയതെന്നാണ് പോലിസിന്റെ പ്രാഥമിക നിഗമനം. കേസില് പോലിസ് അന്വേഷണം തുടരുകയാണ്.