മലയാളി ഐഎസ്ആര്ഒ ശാസ്ത്രജ്ഞന്റെ കൊലപാതകം: ഒരാള് അറസ്റ്റില്
കഴിഞ്ഞ ദിവസമാണ് ഇസ്രൊ റിമോട്ട് സെന്സിംഗ് സെന്റെറിലെ ശാസ്ത്രജ്ഞനായ സുരേഷിനെ ഫ്ലാറ്റില് തലയ്ക്കടിയേറ്റ് മരിച്ച നിലയില് കണ്ടെത്തിയത്.
ഹൈദരാബാദ്: ഐഎസ്ആര്ഒയിലെ മലയാളി ശാസ്ത്രജ്ഞന് എസ് സുരേഷ് കുമാര് കൊല്ലപ്പെട്ട കേസില് ഒരാള് അറസ്റ്റില്. ഹൈദരാബാദ് സ്വകാര്യ ലാബ് ജീവനക്കാരന് ശ്രീനിവാസനെയാണ് പോലിസ് അറസ്റ്റ് ചെയ്തത്. സുരേഷ് താമസിച്ചിരുന്ന ഫ്ലാറ്റിലെ സുരക്ഷാ ജീവനക്കാരന് നല്കിയ മൊഴിയുടെ അടിസ്ഥാനത്തിലാണ് അറസ്റ്റ്.
കഴിഞ്ഞ ദിവസമാണ് ഇസ്രൊ റിമോട്ട് സെന്സിംഗ് സെന്റെറിലെ ശാസ്ത്രജ്ഞനായ സുരേഷിനെ ഫ്ലാറ്റില് തലയ്ക്കടിയേറ്റ് മരിച്ച നിലയില് കണ്ടെത്തിയത്. മുറിയില് തനിച്ചു താമസിക്കുന്ന സുരേഷ്കുമാര് ജോലി സ്ഥലത്ത് എത്താത്തതിനെത്തുടര്ന്ന് സഹപ്രവര്ത്തകര് ചെന്നൈയിലുള്ള സുരേഷിന്റെ ഭാര്യ ഇന്ദിരയെ ഫോണില് വിവരം അറിയിച്ചതിനെ തുടര്ന്ന് പോലിസെത്തി പരിശോധിച്ചപ്പോഴാണ് മരിച്ചനിലയില് സുരേഷിനെ കണ്ടത്.