പീഡനക്കേസ് ഒതുക്കാനാവശ്യപ്പെട്ട മന്ത്രി ശശീന്ദ്രന് രാജിവെക്കണം: വിമന് ജസ്റ്റിസ് മൂവ്മെന്റ്
കോഴിക്കോട്: സ്ത്രീ പീഡനക്കേസ് ഒതുക്കിത്തീര്ക്കാനാവശ്യപ്പെട്ട മന്ത്രി ശശീന്ദ്രന് രാജിവെക്കണമെന്ന് വിമന് ജസ്റ്റിസ് മൂവ്മെന്റ്. കേസ് ഒതുക്കാന് വേണ്ടി പരാതിക്കാരിയുടെ പിതാവുമായുള്ള മന്ത്രിയുടെ ഫോണ് സംഭാഷണം മാധ്യമങ്ങള് പുറത്ത് വിട്ടിരിക്കുന്നു.
സ്ത്രീകള്ക്ക് നേരെയുള്ള കയ്യേറ്റങ്ങള് വര്ദ്ധിക്കുകയും അത് വിവാദമായി സര്ക്കാറിനെതിരെ വ്യാപക പ്രതിഷേധം ഉയരുകയുമൊക്കെ ചെയ്യുന്ന സാഹചര്യത്തില് മന്ത്രി സ്ഥാനത്തിരിക്കുന്ന ആള് തന്നെ ഈ രീതിയില് ഇടപെടുന്നത് നീചമാണെന്ന് പ്രസിഡന്റ് ജബീന ഇര്ഷാദ് പറഞ്ഞു. കഴിഞ്ഞ ജൂണ് അവസാനം പരാതി നല്കിയിട്ട് ഇത് വരെ പോലിസ് എഫ്ഐആര് പോലും രജിസ്റ്റര് ചെയ്തിട്ടില്ല. വിശദമായ അന്വേഷണം നടത്തി മന്ത്രിക്കെതിരേ നടപടിയെടുക്കണമെന്നും ജബീന ആവശ്യപ്പെട്ടു.