തൃശൂര്‍: വടക്കുംനാഥ ക്ഷേത്രത്തില്‍ നടന്ന ആനയൂട്ടിന് ദേവസ്വം മന്ത്രി കെ രാധാകൃഷ്ണന്‍ ആനയ്ക്ക് ചോറുരുള നല്‍കി തുടക്കം കുറിച്ചു. റവന്യൂ മന്ത്രി കെ രാജന്‍ സന്നിഹിതനായിരുന്നു.
നാലു കൊല്ലത്തില്‍ ഒരിക്കല്‍ നടക്കുന്ന ഗജപൂജയ്ക്ക് ശേഷമാണ് ആനയൂട്ട് നടന്നത്. 15 ആനകളാണ് ആനയൂട്ടില്‍ പങ്കെടുത്തത്. ചടങ്ങില്‍ ആനകള്‍ക്ക് ചോറുരുള, പഴങ്ങള്‍, പച്ചക്കറികള്‍ എന്നിവ നല്‍കി. എം എല്‍ എ പി ബാലചന്ദ്രന്‍, ദേവസ്വം ബോര്‍ഡ് പ്രസിഡന്റ് വി നന്ദകുമാര്‍, ദേവസ്വം ബോര്‍ഡ് കമ്മീഷ്ണര്‍ എന്‍ ജ്യോതി, കൗണ്‍സിലര്‍മാര്‍, ദേവസ്വം ബോര്‍ഡ് ജീവനക്കാര്‍ എന്നിവര്‍ പങ്കെടുത്തു.