ജയിലുകളിലെ ഭൂമി ഉത്പാദനപരമായ കാര്യങ്ങള്‍ക്ക് ഉപയോഗിക്കുമെന്ന് ഋഷിരാജ്‌സിങ്
കോഴിക്കോട്: ജയിലുകളുടെ ഭൂമി ഉത്പാദനപരമായ കാര്യങ്ങള്‍ക്ക് ഉപയോഗിക്കാനുള്ള ശ്രമങ്ങള്‍ നടന്നുവരുകയാണെന്ന് ജയില്‍ ഡിജിപി ഋഷിരാജ്‌സിങ് പറഞ്ഞു.
കോഴിക്കോട് ജില്ലാ ജയിലില്‍ പ്ലാവിന്‍ തൈ നടലിന്റെയും മീന്‍കൃഷിയുടെയും ഉള്‍പ്പെടെ ഏഴ് പദ്ധതികളുടെ ഉദ്ഘാടനം നിര്‍വഹിക്കുകയായിരുന്നു അദ്ദേഹം.
ജയിലില്‍ 40 പുതിയ സിസിടിവി. കാമറകള്‍ സ്ഥാപിക്കല്‍, എം കെ മുനീര്‍ എംഎല്‍എ നല്‍കിയ ആംബുലന്‍സിന്റെ ഫ്‌ളാഗ് ഓഫ്, പുസ്തകം ഏറ്റുവാങ്ങല്‍, കോഫി വെന്‍ഡിങ് മെഷീന്‍, തൊഴിലധിഷ്ഠിത കോഴ്‌സിന്റെ സര്‍ട്ടിഫിക്കറ്റ് വിതരണം എന്നിവയുടെ ഉദ്ഘാടനവും നടന്നു.