ഭര്‍തൃമതിയെ പീഡിപ്പിച്ച കേസില്‍ പ്രതി അറസ്റ്റില്‍
താഴേക്കോട് പൊന്നേത്ത് നൗഫല്‍(31) ആണ് അറസ്റ്റിലായത്.
പെരിന്തല്‍മണ്ണ: ഭര്‍തൃമതിയെ വിവാഹവാഗ്ദാനം നല്‍കി ലൈംഗികമായി പീഡിപ്പിച്ച കേസിലെ പ്രതി അറസ്റ്റില്‍. സംഭവത്തിനുശേഷം മുങ്ങിയ പ്രതിയെ കരിപ്പൂര്‍ വിമാനത്താവളത്തില്‍ നിന്നാണ് പോലിസ് കസ്റ്റഡിയിലെടുത്തത്. താഴേക്കോട് പൊന്നേത്ത് നൗഫല്‍(31) ആണ് അറസ്റ്റിലായത്.
2017ല്‍ നടന്ന സംഭവത്തില്‍ താഴേക്കോട് സ്വദേശിനിയായ 21 കാരിയാണ് പരാതി നല്‍കിയത്. നിലവിലെ ഭര്‍ത്താവിനെ ഒഴിവാക്കിയാല്‍ വിവാഹം കഴിക്കാമെന്ന് പറഞ്ഞ് ലൈംഗികമായി പീഡിപ്പിച്ചു. യുവതിയുടെ ചിത്രങ്ങള്‍ ഭര്‍ത്താവിന് വാട്‌സ് അപ്പില്‍ അയച്ചുകൊടുത്തു. ഇതോടെ യുവതി വിവാഹമോചിതയായി. എന്നാല്‍ പ്രതി യുവതിയെ വിവാഹം കഴിക്കാന്‍ തയാറാവാതെ വന്നതോടെയാണ് പരാതി നല്‍കിയത്. കേസെടുത്തതോടെ പ്രതി വിദേശത്തേക്ക് കടന്നു. വ്യാഴാഴ്ച തിരിച്ച് നാട്ടിലെത്താന്‍ കരിപ്പൂരില്‍ വന്നപ്പോഴാണ് പിടിയിലായത്. കോടതിയില്‍ ഹാജരാക്കി.