ഭാര്യ വിനോദിനിക്ക് കസ്റ്റംസ് ഇതുവരെ നോട്ടീസ് അയച്ചിട്ടില്ലെന്ന് കോടിയേരി

കണ്ണൂര്‍: കസ്റ്റംസ് പറയുന്ന ഐ ഫോണ്‍ ഭാര്യയുയെ കൈവശമില്ലെന്നും വില കൊടുത്തു വാങ്ങിയ ഫോണ്‍ ആണ് കൈയില്‍ ഉള്ളതെന്നും അദ്ദേഹം പറഞ്ഞു. വിനോദിനിക്ക് കസ്റ്റംസ് നോട്ടീസ് അയച്ചു എന്നതില്‍ പത്രവാര്‍ത്ത മാത്രമാണ് ഇപ്പോഴുള്ളത് ഉള്ളതെന്നും അദ്ദേഹം സ്വകാര്യ ചാനലിനോട് പറഞ്ഞു.

പ്രത്യേക കോഡ് നമ്പറിലുള്ള ഫോണിനെ കുറിച്ചാണ് ഇപ്പോള്‍ വിവാദം. ആ കോഡ് നമ്പറിലെ ഫോണ്‍ കൈവശമുണ്ടെന്ന് സന്തോഷ് ഈപ്പന്‍ തന്നെ പറഞ്ഞിട്ടുണ്ടെന്നും കോടിയേരി കൂട്ടി ചേര്‍ത്തു.

കസ്റ്റംസ് നോട്ടീസ് കിട്ടിയാല്‍ നിയമപരമായി സഹകരിക്കും. ബിനീഷിന്റെ വീട്ടില്‍ റെയ്ഡ് നടത്തിയപ്പോള്‍ ഭാര്യ ഉപയോഗിക്കുന്ന ഫോണാണ് പിടിച്ചെടുത്തതെന്നും കോടിയേരി വ്യക്തമാക്കി.