ചൈനയില് നിന്നെത്തിയ എട്ട് പയ്യോളി സ്വദേശികള്ക്ക് ജാഗ്രതാ നിര്ദേശം
പയ്യോളി സ്വദേശികളായ എട്ട് പേരാണ് ചൈനയില് നിന്ന് ഇതുവരെ തിരിച്ചെത്തിയത്.ഇവരെല്ലാം അവരവരുടെ വീടുകളില് നിരീക്ഷണത്തിലാണ്.
പയ്യോളി: ചൈനയില് നിന്ന് തിരിച്ചെത്തിയ എട്ടു പയ്യോളി സ്വദേശികള്ക്ക് ജാഗ്രതാ നിര്ദ്ദേശം. കേരളത്തില് കൊറോണ വൈറസ് ബാധ മൂന്നാമത്തെയാള്ക്കുംസ്ഥിരീകരിച്ച സാഹചര്യത്തില് പയ്യോളി നഗരസഭ ജാഗ്രത സമിതിവിളിച്ച് ചേര്ത്തു. പയ്യോളി സ്വദേശികളായ എട്ട് പേരാണ് ചൈനയില് നിന്ന് ഇതുവരെ തിരിച്ചെത്തിയത്.ഇവരെല്ലാം അവരവരുടെ വീടുകളില് നിരീക്ഷണത്തിലാണ്.
പയ്യോളി ചെയര്പേഴ്സണ് വി ടി ഉഷ നിലവിലെ സാഹചര്യങ്ങള്സമിതി മുമ്പാകെ വിശദീകരിച്ചു. വിദ്യാഭ്യാസ സ്റ്റാന്റിങ് കമ്മിറ്റി ചെയര് പേഴ്സണ് ഉഷ വളപ്പില് അധ്യക്ഷത വഹിച്ചു. കൗണ്സിലര് നാണു മാസ്റ്റര് സംസാരിച്ചു.
ഇരിങ്ങല് കുടുംബാരോഗ്യ കേന്ദ്രം മെഡിക്കല് ഓഫിസര് വിഷയത്തില് ക്ലാസെടുത്തു. പയ്യോളി എസ്ഐ സുനില്കുമാര്, വാര്ഡ് കൗണ്സിലര് ഷാഹുല് ഹമീദ്, എച്ച് ഐ ശാലിനി, ജെഎച്ച് ഐ വിജയന്, വാര്ഡ് കൗണ്സിലര്മാര് എന്നിവര് സംസാരിച്ചു. ജെഎച്ച്ഐ അശോകന്, സതീശന്, ജിനി ബിയര്ലി എന്നിവര് സംബന്ധിച്ചു. ആശവര്ക്കര്മാര്, സ്കൂള്ഹെസ് മാസ്റ്റര്മാര് എന്നിവര് സംബന്ധിച്ചു. നഗരസഭയിലെ പ്രാഥമിക യോഗം മാത്രമാണ് നടന്നതെന്നും വരും ദിവസങ്ങളില് ഡിവിഷന് അടിസ്ഥാനത്തില് ജാഗ്രതാ സമിതി ചേരുമെന്നും ചെയര്പേഴ്സണ് പറഞ്ഞു. കോഴിക്കോട് ജില്ലയില് 291 പേര് ചൈനയില് നിന്നും വന്നതില് 284 പേര് നിരീക്ഷണത്തിലാണ്.