വിദ്യാഭ്യാസ പുരോഗതിയില് കേരളം ലോകത്ത് ഒന്നാമതാവും: വിദ്യാഭ്യാസ മന്ത്രി
BY fousiya sidheek25 Feb 2017 3:58 AM GMT
fousiya sidheek25 Feb 2017 3:58 AM GMT
അരൂര്: വിദ്യാഭ്യാസ പുരോഗതിയില് കേരളം ലോകത്ത് ഒന്നാമതാവുമെന്ന് വിദ്യാഭ്യാസ മന്ത്രി സി രവീന്ദ്രനാഥ് പറഞ്ഞു. കേരളം ലോകത്തിന്റെ നെറുകയില് നില്ക്കുന്ന സംസ്ഥാനമായി മാറും. സമസ്ത മേഖലകളിലും വിദ്യാഭ്യാസ പരമായ ഒരു തലമുറയെ വാര്ത്തെടുക്കലാണ് ലക്ഷ്യമെന്നും അതിനുള്ള പോരാട്ടം വിജയിക്കുമെന്നും മന്ത്രി പറഞ്ഞു. എരമല്ലുര് സെന്റ് സേവ്യേഴ്സ് എല്പി സ്കൂള് ശതാബ്ദി ആഘോഷം ഉദ്ഘാടനം ചെയ്യുകയായിരുന്നു മന്ത്രി. ഒരു വര്ഷം കൊണ്ട് കേരളത്തിലെ മുഴുവന് ഹൈസ്കൂളുകളേയും ഹൈട്ടക്കാക്കും. ഇതോടെ കേരളം ഇന്ത്യയിലെ ഡിജിറ്റല് സംസ്ഥാനമായി മാറും. ഇതിനായി 543 കോടി സര്ക്കാര് മാറ്റിയിട്ടുണ്ട്. പൊതുവിദ്യാഭ്യാസ പരിപാടിയുടെ അടിസ്ഥാനത്തില് എയ്ഡഡ്, സര്ക്കാര് എന്ന വേര്തിരിവില്ലാതെ ഒന്നു മുതല് ഏഴ് വരെ സൗജന്യ യൂനിഫോം വിതരണം നടപ്പാക്കിക്കഴിഞ്ഞു. ഇത് എല്ലാ സ്കൂളുകളിലും എത്തിക്കും. സ്കൂളുകള്ക്കുള്ള സൗജന്യ ഇന്റര്നെറ്റ് കണക്്ഷന് പദ്ധതി വളരെ വേഗത്തില് പൂര്ത്തീകരിക്കും. ശതാബ്ദി ആഘോഷത്തോടനുബന്ധിച്ച് സെന്റ് സേവ്യേഴ്സ് എല്പി സ്കൂളിലെ ഒരു ക്ലാസ്റൂം ഹൈട്ടക്കാക്കും എന്ന മന്ത്രിയുടെ പ്രഖ്യാപനം വന് കരഘോഷത്തോടെയാണ് വിദ്യാര്ഥികളും അധ്യാപകരും രക്ഷകര്ത്താക്കളും വരവേറ്റത്. ചടങ്ങില് ഫാ. ജോപ്പിക്കൂട്ടുങ്കള് അധ്യക്ഷത വഹിച്ചു. എ എം ആരിഫ് എംഎല്എ മുഖ്യ പ്രഭാഷണം നടത്തി. ബ്ലോക്ക് പഞ്ചായത്ത് പ്രസിഡന്റ് വല്സല തമ്പി, എരമല്ലൂര് തങ്കപ്പന്, ജോസഫ് ഫ്രാന്സീസ്, സി എക്സ് ജോസി കണ്ടനാട്ടുതറ, പി എം സഫര്, ടികെ ഗോപാലന്, ടി എസ് സൈഫുദ്ദീന് സംബന്ധിച്ചു.
Next Story
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTഎന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMT