'നെല്വയല് തണ്ണീര്ത്തട നിയമത്തില് ഭേദഗതി ഭൂമാഫിയയെ സഹായിക്കാന്'
BY kasim kzm15 Jun 2018 1:03 AM GMT
kasim kzm15 Jun 2018 1:03 AM GMT
തിരുവനന്തപുരം: നെല്വയല് തണ്ണീര്ത്തട നിയമത്തില് ഭേദഗതി വരുത്താനുള്ള നീക്കം കുത്തക ഭൂമാഫിയകള്ക്കു നെല്വയലുകള് തീറെഴുതാനുള്ള ഗൂഢനീക്കത്തിന്റെ ഭാഗമാണെന്നു പ്രതിപക്ഷ നേതാവ് രമേശ് ചെന്നിത്തല ആരോപിച്ചു. വന് അഴിമതിയാണ് ഇതിനു പിന്നിലുള്ളതെന്നും വാര്ത്താ സമ്മേളനത്തില് അദ്ദേഹം പറഞ്ഞു. ബില്ലിനെക്കുറിച്ച് ചര്ച്ച ചെയ്യാന് രണ്ട് തവണ സബ്ജക്റ്റ് കമ്മിറ്റി വിളിച്ചെങ്കിലും അത് മാറ്റിവയ്ക്കുകയായിരുന്നു. കഴിഞ്ഞ ദിവസം സിപിഎം, സിപിഐ പാര്ട്ടി സെക്രട്ടറിമാരെയും മന്ത്രിമാരെയും വിളിച്ച് മുഖ്യമന്ത്രി ചര്ച്ച നടത്തിയത് ബില്ല് പാസാക്കാനുള്ള നീക്കമാണ്. 2008ല് കെപി രാജേന്ദ്രന് കൊണ്ടുവന്ന നിയമത്തിന്റെ ആരാച്ചാരായി മന്ത്രി ഇ ചന്ദ്രശേഖരന് മാറിയിരിക്കുന്നു. തന്റെ മന്ത്രിയെക്കൊണ്ട് ബി ല്ല് പിന്വലിപ്പിക്കാന് കാനം രാജേന്ദ്രന് തയ്യാറാണോയെന്നും ചെന്നിത്തല ചോദിച്ചു. ഭൂമാഫിയയെ സഹായിക്കാനുള്ള ബില്ലിനെതിരേ പ്രതിപക്ഷം ശക്തമായ പോരാട്ടം സംഘടിപ്പിക്കും. നിയമസഭ പാസാക്കിയാല് നിയമപരമായും നേരിടും. ബില്ലിന്റെ കാര്യത്തില് രണ്ട് പാര്ട്ടികളും ഒത്തുകളിക്കുകയാണ്. സംസ്ഥാനത്തെ നെല്വയലുകളെ യഥേഷ്ടം നികത്താനുള്ള കുറുക്കുവഴിയാണ് ഇതെന്നും ചെന്നിത്തല പറഞ്ഞു.
Next Story
RELATED STORIES
കോഴിക്കോട്ട് കക്കാടംപൊയിലിൽ വോട്ടു ചെയ്യാൻ പോയ കുടുംബം സഞ്ചരിച്ച കാർ...
26 April 2024 11:14 AM GMTപത്തനംതിട്ടയില് ചിഹ്നം മാറിയെന്ന് പരാതി; വിവിപാറ്റില് കാണിച്ചത് താമര
26 April 2024 10:56 AM GMTവനിതാ ഹോസ്റ്റലിൽ നിന്ന് പിടിച്ചത് 1.3 കിലോ കഞ്ചാവ്; ഐടി ജീവനക്കാരിയും...
26 April 2024 10:39 AM GMTമണിപ്പൂര്; അമേരിക്കയുടെ റിപോര്ട്ട് ഇന്ത്യ തള്ളി
26 April 2024 10:34 AM GMTആലത്തൂരിലെ പാര്ട്ടി അനുഭാവികളുടെ വോട്ടുകള് ബിജെപി തൃശൂര്...
26 April 2024 10:33 AM GMTപോളിങ് ബൂത്തിന് സമീപം ലോറിയിടിച്ച് പരിക്കേറ്റയാള് മരിച്ചു
26 April 2024 8:24 AM GMT