നിര്‍മാണത്തിലിരിക്കുന്ന വീടിനു മുകളില്‍ നിന്ന് വീണ് രണ്ടുപേര്‍ക്കു പരിക്ക്

കുന്ദമംഗലം: കാരന്തൂര്‍ ഏട്ടന്‍ കുണ്ടില്‍ എടക്കുനി വീടിന് മുകളില്‍ നിന്ന് വീണ് രണ്ട് പേര്‍ക്ക് പരിക്ക്. ചെറൂപ സ്വദേശികളായ പാറയില്‍ മീത്തല്‍ സുബ്രമണ്യന്‍ (50) , പുതിയേടത്ത് ബാബു (50) എന്നിവര്‍ക്കാണ് പരിക്കേറ്റത്. ഇവരെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇന്നലെ രാവിലെ 11 മണിയോടെയാണ് അപകടം. നിര്‍മാണത്തിലിരിക്കുന്ന വീടിന്റെ സണ്‍ ഷെഡിന്റെ പലക പൊളിക്കുന്നതിനിടെയാണ് അപകടം. ഏട്ടന്‍കുണ്ട് ഭാഗങ്ങളില്‍ കഴിഞ്ഞ ദിവസങ്ങളിലുണ്ടായ വെള്ളപ്പൊക്കത്തില്‍ വിട്ടിലും വെള്ളം കയറിയിരുന്നു.