ജര്മനിക്ക് ഇന്ന് ഓസീസ് പരീക്ഷ
BY fousiya sidheek19 Jun 2017 3:57 AM GMT
fousiya sidheek19 Jun 2017 3:57 AM GMT
സോച്ചി: 2014ല് കരുത്തരായ ബ്രസീലിന്റെ വരെ വലനിറച്ച് ലോകകപ്പ് ഉയര്ത്തിയ ജര്മനിയും ഏഷ്യന് വന്കരയെ പ്രതിനിധീകരിച്ച് റഷ്യയിലെത്തിയ ആസ്ത്രേലിയയും തമ്മിലാണ് ഇന്നത്തെ കോണ്ഫെഡറേഷന് മല്സരം. ഗ്രൂപ്പ് ബിയില് ഉള്പ്പെട്ടിരിക്കുന്ന രണ്ട് ടീമും ആദ്യ മല്സരത്തിനിറങ്ങുമ്പോള് പ്രവചനങ്ങളും കണക്കുകളും ജര്മനിക്കൊപ്പമാണ്. സോച്ചിയിലെ ഫിഷ് ഒളിംപിക് സ്റ്റേഡിയത്തില് രാത്രി 8.30ന് നടക്കുന്ന മല്സരത്തില് ആസ്ത്രേലിയ അട്ടിമറി നടത്താനുള്ള സാധ്യതയും തള്ളിക്കളയാനാവില്ല. ജര്മനി ചാംപ്യന്മാരുടെ ലോകകപ്പിനെത്തുന്നത് ജൂലിയന് ഡ്രാക്സലറിന്റെ നേതൃത്വത്തിലാണ്. ഷ്കോഡ്രാന് മുസ്താഫി, ജോഷ്വാ കിമ്മിച്ച് എന്നിവരുടെ പരിചയ സമ്പന്നതയ്ക്കൊപ്പം ടിമോ വെര്ണര്, സാന്ഡ്രോ വാഗ്നര്, ജൂലിയന് ബ്രാന്ഡ് തുടങ്ങിയ താരങ്ങളും ജര്മനിക്ക് പ്രതീക്ഷ നല്കുന്നു. ബെര്ണാണ്ടോ ലിനോ, കെവിന് ട്രാപ്പ് എന്നിവരില് ഒരാളാവും ജര്മനിയുടെ ഗോള്വല കാക്കാന് ഇറങ്ങുക. ആസ്ത്രേലിയ യുവ താരങ്ങളാല് സമ്പന്നമാണ്. ടിം കാഹില്, മാര്ക്ക് മില്ലിഗന്, റോബി ക്രൂസ് എന്നിവരാണ് മുതിര്ന്ന താരങ്ങള്. ആരോണ് മൂയി, ടോമി ജൂറിക്ക്, ജാമി മക്ലരന് എന്നിവരാണ് മുന്നേറ്റ നിരയിലെ പ്രതീക്ഷ. മിലോസ് ഡിഗ് നിക്ക്, അലക്സ് ജെര്സ്ബാച്ച്, ആസിസ് ബെഹിച്ച്, റിയാന് മഗോവന് എന്നിവരാണ് പ്രതിരോധ നിരയിലെ കരുത്ത്.
Next Story
RELATED STORIES
ബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT