കര്‍ഷകന് സൂര്യാതപമേറ്റു

പത്തനാപുരം (കൊല്ലം): കൃഷിയിടത്തില്‍ ജോലി ചെയ്യുന്നതിനിടെ കര്‍ഷകന് സൂര്യാതപമേറ്റു. കുന്നിക്കോട് കോട്ടവട്ടം നിരപ്പില്‍ ശിവമന്ദിരത്തില്‍ വിജയന്‍പിള്ള(71)യ്ക്കാണ് സൂര്യാതപമേറ്റത്. ശരീരത്തിന്റെ പുറംഭാഗത്ത് വലിയ നീറ്റല്‍ അനുഭവപ്പെട്ട കര്‍ഷകന്‍ ജോലി നിര്‍ത്തിവച്ച് വീട്ടില്‍ വന്നിരുന്നു. അടുത്തദിവസമാണ് ശരീരത്തില്‍ പാടുകള്‍ കണ്ടത്. തുടര്‍ന്ന് സ്വകാര്യ ആശുപത്രിയില്‍ ചികില്‍സ തേടി.