ആര്ത്തവം അയോഗ്യതയാണെങ്കില് മാതൃത്വം കുറ്റകരമാണ്: സ്പീക്കര്
BY kasim kzm20 July 2018 4:21 AM GMT
kasim kzm20 July 2018 4:21 AM GMT
തിരുവനന്തപുരം: സ്ത്രീകള്ക്ക് പ്രായത്തിന്റെ പേരില് ആരാധനാസ്വാതന്ത്ര്യം നിഷേധിക്കാനാവില്ലെന്നും പൊതുക്ഷേത്രത്തില് വിവേചനം പാടില്ലെന്നുമുള്ള സുപ്രിംകോടതി നിരീക്ഷണത്തെ പ്രശംസിച്ച് സ്പീക്കര് പി ശ്രീരാമകൃഷ്ണന്. ആര്ത്തവകാലം അവസാനിച്ചശേഷം മാത്രമേ ക്ഷേത്രത്തില് പ്രവേശിക്കാന് പറ്റൂ എന്നും ആരാധന നടത്താനാവൂ എന്നും പറയുന്നത് ആര്ത്തവത്തെ ഒരു കുറ്റകരമായ അയോഗ്യതയായി കാണുന്നതിന് തുല്യമാണെന്നും ആര്ത്തവം അയോഗ്യതയാണെങ്കില് മാതൃത്വം കുറ്റമാണെന്നും അദ്ദേഹം പറഞ്ഞു. തന്റെ ഫേസ്ബുക്ക് കുറിപ്പിലൂടെയാണ് അദ്ദേഹം ഇക്കാര്യം വ്യക്തമാക്കിയത്.
ദൈവത്തില് വിശ്വസിക്കാനും ആരാധിക്കാനുമുള്ള അവകാശം എല്ലാ മനുഷ്യര്ക്കും ഒരുപോലെയാണെന്നിരിക്കെ ഭരണഘടന ഉറപ്പുനല്കുന്ന അവകാശങ്ങള് സ്ത്രീയായിപ്പോയതുകൊണ്ടു മാത്രം നിഷേധിക്കുന്നതു ശരിയാണോ എന്ന ചോദ്യത്തിന് പ്രസക്തിയുണ്ട്. മാതാവിന്റെ ഗര്ഭത്തില് നിന്ന് പുറത്തുവരാതെ ഈ ലോകത്ത് ഒരു മനുഷ്യനും പിറക്കാനിടയില്ലെന്നിരിക്കെ എങ്ങനെയാണ് അമ്മയാവാനുള്ള ശേഷിയുടെ പ്രതീകമായ ആര്ത്തവം ഒരു കുറ്റമായി ആധുനികസമൂഹം സ്വീകരിക്കുക? ആചാരങ്ങളും അനുഷ്ഠാനങ്ങളും പിന്തുടരുന്നത് നല്ലതാണ്. പക്ഷേ, ഇന്ത്യന് ഭരണഘടന ഉറപ്പുനല്കുന്ന അടിസ്ഥാന അവകാശങ്ങള് ലംഘിച്ചുകൊണ്ടാവരുത്.
സമൂഹത്തിന്റെ മാറ്റങ്ങള്ക്കനുസരിച്ചും ജനാധിപത്യത്തിന്റെ വികാസത്തിനനുസരിച്ചും എല്ലാത്തിനും മാറ്റങ്ങള് വരുന്നതു സ്വാഭാവികമാണ്, അനിവാര്യവുമാണ്. ഒരുപക്ഷേ, ക്ഷേത്രങ്ങളില് ഉണ്ടായിരുന്ന പല ആചാരങ്ങളും ഇന്ന് നിലനില്ക്കുന്നില്ല. കാലത്തിന്റെ ഒഴുക്കില് അവയെല്ലാം മാറിപ്പോയി. കാലത്തിന്റെ ഒഴുക്കില് ജനാധിപത്യത്തിന്റെ വികാസത്തില് പലതും മാറിയ കൂട്ടത്തില് ശബരിമലയിലെ സ്ത്രീപ്രവേശം മാറാതെ നിന്നു എന്നതാണു വസ്തുത. സ്ത്രീത്വത്തെ അംഗീകരിക്കുന്നുണ്ടെങ്കില്, മാതാവിനെ അംഗീകരിക്കുന്നുണ്ടെങ്കില് ഈ ചര്ച്ചയ്ക്കു പ്രസക്തിയുണ്ട്. അനുഷ്ഠാനങ്ങളെക്കുറിച്ചും പാരമ്പര്യങ്ങളെക്കുറിച്ചും ചര്ച്ചയാവാം, സംവാദമാവാം.
ദശാബ്ദങ്ങള്ക്കു മുമ്പ് കേരളത്തില് ദലിതര്ക്ക് മേല്വസ്ത്രം ധരിക്കാന് അവകാശമുണ്ടായിരുന്നില്ല. ക്ഷേത്രങ്ങളില് പ്രവേശനമുണ്ടായിരുന്നില്ല. അതെല്ലാം ആചാരങ്ങളായിരുന്നു. അതൊന്നും ഇന്നു നിലനില്ക്കുന്നില്ല. ദൈവത്തിന്റെ മുന്നില് തുല്യത പ്രാപിക്കാനുള്ള മനുഷ്യന്റെ അവകാശത്തിനു മുന്നില് ഇനിയും തടസ്സം നില്ക്കണോ എന്നത് ചിന്തിക്കേണ്ട കാര്യമാണെന്നും അദ്ദേഹം കൂട്ടിച്ചേര്ത്തു.
ദൈവത്തില് വിശ്വസിക്കാനും ആരാധിക്കാനുമുള്ള അവകാശം എല്ലാ മനുഷ്യര്ക്കും ഒരുപോലെയാണെന്നിരിക്കെ ഭരണഘടന ഉറപ്പുനല്കുന്ന അവകാശങ്ങള് സ്ത്രീയായിപ്പോയതുകൊണ്ടു മാത്രം നിഷേധിക്കുന്നതു ശരിയാണോ എന്ന ചോദ്യത്തിന് പ്രസക്തിയുണ്ട്. മാതാവിന്റെ ഗര്ഭത്തില് നിന്ന് പുറത്തുവരാതെ ഈ ലോകത്ത് ഒരു മനുഷ്യനും പിറക്കാനിടയില്ലെന്നിരിക്കെ എങ്ങനെയാണ് അമ്മയാവാനുള്ള ശേഷിയുടെ പ്രതീകമായ ആര്ത്തവം ഒരു കുറ്റമായി ആധുനികസമൂഹം സ്വീകരിക്കുക? ആചാരങ്ങളും അനുഷ്ഠാനങ്ങളും പിന്തുടരുന്നത് നല്ലതാണ്. പക്ഷേ, ഇന്ത്യന് ഭരണഘടന ഉറപ്പുനല്കുന്ന അടിസ്ഥാന അവകാശങ്ങള് ലംഘിച്ചുകൊണ്ടാവരുത്.
സമൂഹത്തിന്റെ മാറ്റങ്ങള്ക്കനുസരിച്ചും ജനാധിപത്യത്തിന്റെ വികാസത്തിനനുസരിച്ചും എല്ലാത്തിനും മാറ്റങ്ങള് വരുന്നതു സ്വാഭാവികമാണ്, അനിവാര്യവുമാണ്. ഒരുപക്ഷേ, ക്ഷേത്രങ്ങളില് ഉണ്ടായിരുന്ന പല ആചാരങ്ങളും ഇന്ന് നിലനില്ക്കുന്നില്ല. കാലത്തിന്റെ ഒഴുക്കില് അവയെല്ലാം മാറിപ്പോയി. കാലത്തിന്റെ ഒഴുക്കില് ജനാധിപത്യത്തിന്റെ വികാസത്തില് പലതും മാറിയ കൂട്ടത്തില് ശബരിമലയിലെ സ്ത്രീപ്രവേശം മാറാതെ നിന്നു എന്നതാണു വസ്തുത. സ്ത്രീത്വത്തെ അംഗീകരിക്കുന്നുണ്ടെങ്കില്, മാതാവിനെ അംഗീകരിക്കുന്നുണ്ടെങ്കില് ഈ ചര്ച്ചയ്ക്കു പ്രസക്തിയുണ്ട്. അനുഷ്ഠാനങ്ങളെക്കുറിച്ചും പാരമ്പര്യങ്ങളെക്കുറിച്ചും ചര്ച്ചയാവാം, സംവാദമാവാം.
ദശാബ്ദങ്ങള്ക്കു മുമ്പ് കേരളത്തില് ദലിതര്ക്ക് മേല്വസ്ത്രം ധരിക്കാന് അവകാശമുണ്ടായിരുന്നില്ല. ക്ഷേത്രങ്ങളില് പ്രവേശനമുണ്ടായിരുന്നില്ല. അതെല്ലാം ആചാരങ്ങളായിരുന്നു. അതൊന്നും ഇന്നു നിലനില്ക്കുന്നില്ല. ദൈവത്തിന്റെ മുന്നില് തുല്യത പ്രാപിക്കാനുള്ള മനുഷ്യന്റെ അവകാശത്തിനു മുന്നില് ഇനിയും തടസ്സം നില്ക്കണോ എന്നത് ചിന്തിക്കേണ്ട കാര്യമാണെന്നും അദ്ദേഹം കൂട്ടിച്ചേര്ത്തു.
Next Story
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT