അവസാന വെള്ളിയാഴ്ച പള്ളികളില് റമദാന് വിട ചൊല്ലി
BY fousiya sidheek24 Jun 2017 6:45 AM GMT
fousiya sidheek24 Jun 2017 6:45 AM GMT
ആലപ്പുഴ: ആത്മസംസ്കരണത്തിന്റെ മാസമായ വിശുദ്ധ റമദാനിന് അവസാന വെള്ളിയാഴ്ചയായ ഇന്നലെ പള്ളികളില് ഇമാമുമാര് യാത്രാമൊഴിയേകി. അസ്സലാമു അലൈക്ക യാ ശഹ്റ റമദാന് (റമദാന് മാസമേ നിനക്ക് സമാധാനമുണ്ടാവട്ടെ) എന്നു തുടങ്ങുന്ന വിടചൊല്ലലിന്റെ വാക്കുകള് ഖത്തീബുമാര് പറഞ്ഞതോടെ പള്ളികള് വികാര നിര്ഭരമായ രംഗങ്ങള്ക്ക് വേദിയായി. പുണ്യ റമദാനിന്റെ സവിശേഷതകള് എടുത്തുപറഞ്ഞ്, വ്രതമാസത്തിന്റെ വേര്പാടില് ദുഖം അണപൊട്ടുന്ന വാക്കുകളോടെ കണ്ഠമിടറിയാണ് ഖത്തീബുമാര് റമദാനിന് വിട ചൊല്ലിയത്.ഇമാമുമാരുടെ കണ്ഠമിടറിയുള്ള യാത്രാമൊഴികള് വിശ്വാസികളെയും കണ്ണീരണിയിച്ചു. അവസാന വെള്ളിയാഴ്ച വളരെ നേരത്തെ തന്നെ വിശ്വാസികള് പള്ളികളിലെത്തിച്ചേര്ന്നു. മിക്ക പള്ളികളിലും വിശ്വാസികളെ ഉള്ക്കൊള്ളാനാവാതെ പുറത്തും മുകള്തട്ടുകളിലും സൗകര്യമൊരുക്കുകയായിരുന്നു. റമദാനിലൂടെ നേടിയെടുത്ത ആത്മവിശുദ്ധി വരും കാലങ്ങളില് കാത്തു സൂക്ഷിക്കാനും ജീവിത വിശുദ്ധി നിലനിര്ത്താനും ഖത്തീബുമാര് വിശ്വാസികളെ ഉദ്ബോധിപ്പിച്ചു. വ്രതാനുഷ്ഠാനത്തിലൂടെ സ്വായത്തമായ ക്ഷമയും സഹാനുഭൂതിയും കാരുണ്യ പ്രവര്ത്തനങ്ങളും ജീവിതത്തിലുടനീളം നിലനിര്ത്തണമെന്നും ഇമാമുമാര് ആഹ്വാനം ചെയ്തു. ഇന്ന് മാസപ്പിറവി ദൃശ്യമായാല് നാളെ ചെറിയ പെരുന്നാള് ആഘോഷിക്കുന്നതിനുള്ള തയ്യാറെടുപ്പുകളും പള്ളികളിലും വീടുകളിലും ആരംഭിച്ചു കഴിഞ്ഞു. ചെറിയ പെരുന്നാളിലെ പ്രത്യേക ദാനമായ ഫിത്വര് സക്കാത്ത് (ശരീരത്തിന്റെ നിര്ബന്ധ ദാനം) നല്കുന്നതിനുള്ള അരിയും പെരുന്നാള് വിഭവങ്ങളൊരുക്കാനുള്ള സാധനങ്ങളും വാങ്ങുന്നതിനുള്ള തിരക്കാണെങ്ങും.
Next Story
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT