ഇസ്രായേലില് ജോലിചെയ്യുന്നത് 18,000 ഓളം ഇന്ത്യക്കാര്; ജാഗ്രതാ നിര്ദേശവുമായി വിദേശകാര്യമന്ത്രാലയം
ന്യൂഡല്ഹി: ഇസ്രയേല്-ഹമാസ് യുദ്ധത്തെ തുടര്ന്ന് ഇസ്രയേലിലുള്ള ഇന്ത്യക്കാര്ക്ക് ജാഗ്രതാ നിര്ദേശവുമായി വിദേശകാര്യമന്ത്രാലയം. കഴിയുന്നത്ര വീടുകളില് കഴിയാനണമെന്നും ജാഗ്രത പാലിക്കണമെന്നുമാണ് നിര്ദേശം. എകദേശം 18,000 ഓളം ഇന്ത്യക്കാര് ഇസ്രയേലില് ജോലി ചെയ്യുന്നതായാണ് കണക്കുകള്. ഇതില് ഏറെയും മലയാളികളാണ്. ഇന്ത്യക്കാര് താമസിക്കുന്ന ഇടങ്ങളിലും യുദ്ധസമാനമായ സാഹചര്യമാണ് ഉള്ളത്. ഇസ്രായേല് മുന്നറിയിപ്പിനെ തുടര്ന്ന് മലയാളികള് ഉള്പ്പെടെയുള്ളവര് ബങ്കറിലേക്ക് മാറിയതായും റിപോര്ട്ടുകളുണ്ട്. പരമാവധി ആളുകള് വീടിന് പുറത്ത് ഇറങ്ങരുത്. നില്ക്കുന്ന ഇടങ്ങളളില് തന്നെ തുടരണമെന്നും വിദേശകാര്യ മന്ത്രാലയം നിര്ദേശം നല്കി. അത്യാവശ്യ സാഹചര്യങ്ങളില് ബന്ധപ്പെടാനുള്ള ഫോണ് നമ്പറും നല്കിയിട്ടുണ്ട്. ഇസ്രയേലിന്റെ വിവിധ ഭാഗങ്ങളെ ലക്ഷ്യമിട്ട് ഇന്ന് രാവിലെയാണ് ഹമാസ് ഗസയില് വന്തോതില് റോക്കറ്റുകള് വര്ഷിച്ചത്. 20 മിനുട്ടിനിടെ 5000ത്തോളം റോക്കറ്റുകള് തൊടുത്തുവിട്ടതായാണ് റിപോര്ട്ടുകള്. തെക്കന് ഇസ്രയേലില് ഹമാസ് പ്രവര്ത്തകര് നുഴഞ്ഞുകയറിയതായും സ്ഥിരീകരിച്ചിട്ടുണ്ട്.
RELATED STORIES
മുന്നറിയിപ്പില്ലാതെ കൂട്ടഅവധി; 1.88 ലക്ഷംരൂപയുടെ നഷ്ടമുണ്ടാക്കി; 14...
2 May 2024 10:39 AM GMTടയര്മാറ്റാന് നിര്ത്തിയ കാറില് ലോറിയിടിച്ചു; രണ്ട് വയസുകാരന്...
2 May 2024 10:33 AM GMTസൂര്യാതപം: ജോലിസ്ഥലത്ത് കുഴഞ്ഞുവീണ പെയിന്റിങ് തൊഴിലാളി മരിച്ചു
2 May 2024 10:28 AM GMTകരിങ്കല് ക്വാറിയിലെ കുളത്തില് കുട്ടികള് മീൻ പിടിക്കാനെത്തി;...
2 May 2024 8:43 AM GMTലൈംഗികാതിക്രമ പരാതി: പ്രജ്വല് രേവണ്ണയ്ക്കെതിരെ ലുക്ക് ഔട്ട് നോട്ടിസ് ...
2 May 2024 8:41 AM GMTഇന്ത്യയില് കൊവിഡ് വാക്സീന് സ്വീകരിക്കുന്നവര്ക്ക് നല്കുന്ന...
2 May 2024 8:40 AM GMT