ഭിന്നശേഷിക്കാരെ എഎവൈ വിഭാഗത്തിലേക്ക് മാറ്റാനുള്ള നടപടി വേഗത്തിലാക്കണം-ഇടി

ന്യൂഡല്‍ഹി: ഭിന്നശേഷി വിഭാഗക്കാരെ അന്ത്യോദയ അന്നയോജന വിഭാഗത്തില്‍ ഉള്‍പ്പെടുത്തി റേഷന്‍ കാര്‍ഡും ആനുകൂല്യങ്ങളും അനുവദിക്കാനുള്ള നടപടികള്‍ ത്വരിതപ്പെടുത്തണമെന്ന് മുസ് ലിം ലീഗ് ദേശീയ ഓര്‍ഗനൈസിങ് സെക്രട്ടറി ഇ ടി മുഹമ്മദ് ബഷീര്‍ എംപി. ഇക്കാര്യം ആവശ്യപ്പെട്ട് സിവില്‍ സപ്ലൈസ് മന്ത്രി പി തിലോത്തമന് കത്തയച്ചു. മാസങ്ങള്‍ക്ക് മുമ്പ് കേന്ദ്ര സര്‍ക്കാര്‍ പ്രഖ്യാപിച്ച ഈ പദ്ധതി സംസ്ഥാന സര്‍ക്കാര്‍ ഇതുവരെ നടപ്പാക്കിയിട്ടില്ല. ദേശീയ ഭക്ഷ്യ സുരക്ഷ പദ്ധതിയുടെ ഭാഗമായുള്ള ഈ പദ്ധതി നടപ്പാക്കുന്നതിന് നടപടികള്‍ ആരംഭിക്കാത്തത് ഗുരുതര വീഴ്ചയാണെന്നും എംപി കത്തില്‍ ചൂണ്ടിക്കാട്ടി. കൊവിഡ് 19ന്റെ പ്രത്യേക സാഹചര്യം കണക്കിലെടുത്ത് ഇക്കാര്യത്തില്‍ അടിയന്തര നടപടികള്‍ സ്വീകരിക്കണമെന്നും എംപി അഭ്യര്‍ഥിച്ചു.

Process of converting dissidents to AAY category should be expedited-ET