യുവാവ് കുത്തേറ്റ് മരിച്ചു

നെടുമങ്ങാട്: മാര്‍ക്കറ്റില്‍ യുവാവ് കുത്തേറ്റ് മരിച്ചു. അഴിക്കോട് സ്വദേശി മുഹമ്മദ് ഹാഷിര്‍ (30) ആണ് മരിച്ചത്. കൊലപാതകത്തിന് ശേഷം സുഹൃത്ത് നിസാര്‍ ഓടി രക്ഷപ്പെടുകയായിരുന്നു. ബാറില്‍ വച്ച് ഉണ്ടായ തര്‍ക്കമാണ് കൊലപാതകത്തിന് കാരണമെന്നാണ് പ്രാഥമിക നിഗമനം. രണ്ട് പേരും സുഹൃത്തുകളാണെന്ന് പോലിസ് പറഞ്ഞു.

ഇന്ന് രാത്രി 8 മണിയോടെയാണ് സംഭവം. രണ്ടുപേരും നെടുമങ്ങാട് മാര്‍ക്കറ്റിലെ തൊഴിലാളികളാണ്. ഇരുവരും ബാറില്‍ കയറി മദ്യപിച്ചതിന് ശേഷം മാര്‍ക്കറ്റിലെത്തി വഴക്ക് കൂടുകയായിരുന്നു. തുടര്‍ന്ന് ഹാഷിറിനെ സുഹൃത്ത് കത്തികൊണ്ട് നെഞ്ചില്‍ കുത്തിയതിന് ശേഷം ഓടിരക്ഷപ്പെടുകയും ചെയ്തു. നെഞ്ചിലും തുടയിലും കഴുത്തിലുമാണ് ഹാഷിറിന് കുത്തേറ്റത്. ഉടന്‍ തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. സംഭവത്തില്‍ നെടുമങ്ങാട് പൊലീസ് കേസെടുത്ത് അന്വേഷണം തുടങ്ങി.