ഹോസ്റ്റലിന് മുന്നില്‍ നഗ്നത പ്രദര്‍ശിപ്പിച്ച് യുവാവ്; പരാതി നല്‍കിയിട്ടും നടപടിയില്ലെന്ന് ആക്ഷേപം

കണ്ണൂര്‍: കണ്ണൂര്‍ മെഡിക്കല്‍ കോളജ് വനിതാ ഹോസ്റ്റലിന് മുന്നില്‍ യുവാവിന്റെ നഗ്‌നതാപ്രദര്‍ശനം. പരാതിപ്പെട്ടിട്ട് പൊലീസ് നടപടി എടുക്കുന്നില്ലെന്നും വിദ്യാര്‍ത്ഥിനികള്‍ പറയുന്നു. കഴിഞ്ഞദിവസം രാവിലെ ഹോസ്റ്റലിന് മുന്നില്‍ യുവാവ് നടത്തിയ നഗ്‌നതാപ്രദര്‍ശനത്തിന്റെ വീഡിയോ പുറത്തുവന്നു.

ഈ മാസം മൂന്നാം തവണയാണ് ഹോസ്റ്റലിന് മുന്നില്‍ യുവാവ് നഗ്നത പ്രദര്‍ശിപ്പിക്കുന്നതെന്ന് വിദ്യാര്‍ത്ഥിനികള്‍ വ്യക്തമാക്കി. സ്‌കൂട്ടറിലാണ് ഇയാള്‍ വരുന്നത്. ഹോസ്റ്റലിന് സമീപം സിസിടിവി കാമറകള്‍ ഇല്ലാത്തതിനാല്‍ തെളിവ് ഇല്ലെന്നാണ് പോലിസ് പറഞ്ഞതെന്നും വിദ്യാര്‍ഥിനികള്‍ പറഞ്ഞു.

ഇതേത്തുടര്‍ന്ന് ഹോസ്റ്റല്‍ അന്തേവാസികളാണ് യുവാവിന്റെ നഗ്നതാപ്രദര്‍ശനം ചിത്രീകരിച്ച് പുറത്തുവിട്ടത്. നഗ്നതാപ്രദര്‍ശിപ്പിച്ചതുമായി ബന്ധപ്പെട്ട് ഹോസ്റ്റല്‍, കോളജ് അധികൃതര്‍ക്കും പരാതി നല്‍കിയിരുന്നതായി വിദ്യാര്‍ഥിനികള്‍ പറഞ്ഞു.