ജയിലില് പോകാന് ഞങ്ങള്ക്ക് പേടിയില്ല, പേടിയുള്ള കോണ്ഗ്രസ്സുകാരാണ് ബിജെപിയില് ചേരുന്നത്: സീതാറാം യെച്ചൂരി
![ജയിലില് പോകാന് ഞങ്ങള്ക്ക് പേടിയില്ല, പേടിയുള്ള കോണ്ഗ്രസ്സുകാരാണ് ബിജെപിയില് ചേരുന്നത്: സീതാറാം യെച്ചൂരി ജയിലില് പോകാന് ഞങ്ങള്ക്ക് പേടിയില്ല, പേടിയുള്ള കോണ്ഗ്രസ്സുകാരാണ് ബിജെപിയില് ചേരുന്നത്: സീതാറാം യെച്ചൂരി](https://www.thejasnews.com/h-upload/2024/04/21/219225-yechury12682429.webp)
കേരളത്തില് കോണ്ഗ്രസിന്റെ പ്രധാന ശത്രു സിപിഐഎമ്മുകാരാണ്. പക്ഷേ ബിജെപിക്കെതിരെ നിരന്തരം പോരാടിയ പാര്ട്ടിയാണ് സിപിഐഎം. മോദി മുഖ്യമന്ത്രിയായ സമയത്താണ് ബില്ക്കിസ് ബാനു ക്രൂരമായി പീഡനത്തിനിരയായത്. ബില്ക്കിസ് ബാനുവിന് വേണ്ടി പോരാടിയത് ഇടതുപക്ഷമാണ്. കോണ്ഗ്രസ് അന്ന് ഒന്നും ചെയ്തില്ല എന്നും സീതാറാം യെച്ചൂരി ആരോപിച്ചു.
എന്തുകൊണ്ട് പിണറായിയെ അറസ്റ്റ് ചെയ്യുന്നില്ല എന്നാണ് കോണ്ഗ്രസ് ചോദിക്കുന്നത്. ഇന്ദിരാ ഗാന്ധി പ്രധാനമന്ത്രി ആയിരിക്കെ ജയിലില് പോയ ആളാണ് പിണറായി. ജയിലില് പോകാന് ഞങ്ങള്ക്ക് പേടിയില്ല. ജയിലില് പോകാന് പേടിയുള്ള കോണ്ഗ്രസ്സുകാരാണ് ബിജെപിയില് ചേരുന്നത്. മഹാരാഷ്ട്രയിലെ മുന് മുഖ്യമന്ത്രി അടക്കമുള്ള പ്രമുഖ കോണ്ഗ്രസ് നേതാക്കള് ബിജെപിയില് എത്തി. ബിജെപിക്ക് എതിരെ കൃത്യമായ രാഷ്ട്രീയ നിലപാട് ഇല്ലാത്തതിനാലാണ് ഇത് സംഭവിക്കുന്നതെന്നും സീതാറാം യെച്ചൂരി പറഞ്ഞു.
പ്രത്യേക അവകാശം റദ്ദ് ചെയ്തപ്പോള് ജമ്മു കശ്മീരില് പോകാന് പ്രതിപക്ഷ നേതാക്കളെ അനുവദിച്ചില്ല. അന്ന് അതിനെതിരെ സുപ്രീം കോടതിയില് പോയ ആളാണ് ഞാന്. കോടതിയുടെ അനുമതിയോടെ കശ്മീരില് പോയപ്പോള് യാഥാര്ത്ഥ്യം മനസ്സിലാക്കാനായി. അവിടുത്തെ മുസ്ലീങ്ങള് കടുത്ത പ്രതിസന്ധിയാണ് നേരിടുന്നതെന്നും യെച്ചൂരി പറഞ്ഞു.
കേരളത്തില് നിന്ന് ബിജെപിയുടെ ഒരു എംപി പോലും പാര്ലമെന്റിലേക്ക് പോകില്ല. ഇന്ത്യയുടെ സമ്പത്ത് കൊള്ളയടിക്കാന് ബിജെപി പിന്തുണ നല്കുകയാണ്. മോദി സര്ക്കാര് ദേശീയ സമ്പദ് വ്യവസ്ഥയെ തകര്ക്കുന്നു. രാജ്യത്ത് തൊഴിലില്ലായ്മ രൂക്ഷമാണ്. വിലക്കയറ്റം കൂടികൊണ്ടിരിക്കുന്നു. സാധാരണക്കാര്ക്ക് ജീവിക്കാന് കഴിയുന്നില്ല. വര്ഗീയതയുടെ പേരില് ആളുകളെ തമ്മിലടിപ്പിക്കുകയാണ്. ഇലക്ട്രല് ബോണ്ടിനെ എതിര്ത്തത് ഇടതുപക്ഷമാണെന്നും യെച്ചൂരി പറഞ്ഞു. ഹിന്ദു, ഹിന്ദി, ഹിന്ദുസ്ഥാന് നടപ്പില്ലാക്കുകയാണ് ബിജെപിയുടെ ലക്ഷ്യം. ഗവര്ണര്മാരെ ഉപയോഗിച്ച് ബിജെപി രാഷ്ട്രീയം കളിക്കുകയാണ് പല സംസ്ഥാനങ്ങളിലും ഗവര്ണര്മാരിലൂടെ ബി ജെ പി അജണ്ട നടപ്പിലാക്കാന് ശ്രമിക്കുന്നുവെന്നും സീതാറാം യെച്ചൂരി ആരോപിച്ചു.
RELATED STORIES
'ഓരോ വോട്ടും ചെയ്യാന് കഠിനാധ്വാനം ചെയ്യും'; പ്രസിഡന്റ്...
27 July 2024 5:33 AM GMTമണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMT