മൂന്ന് വിദ്യാര്ഥികള് തിരയില്പ്പെട്ടു; ഒരാളെ മത്സ്യത്തൊഴിലാളികള് രക്ഷപ്പെടുത്തി
ചേര്ത്തല: അര്ത്തുങ്കല് ഫിഷ്ലാന്ഡിങ് സെന്ററിനു സമീപം ആയിരംതൈയില് കടലില് കുളിക്കാനിറങ്ങിയ രണ്ടു വിദ്യാര്ഥികളെ കാണാതായി. ഒരാളെ മത്സ്യ തൊഴിലാളികള് രക്ഷപെടുത്തി. ഇന്ന് വൈകിട്ട് അഞ്ചോടെ തീരത്തെത്തിയ ആറു വിദ്യാര്ഥികളില് മൂന്നുപേരാണ് തിരിയില്പ്പെട്ടത്. കടക്കരപ്പള്ളി സ്വദേശി നികര്ത്തില് മുരളീധരന്റെയും ഷീലയുടെയും മകന് ശ്രീഹരി(16), കൊച്ചുകരിയില് കണ്ണന്റെയും അനിമോളുടെയും മകന് വൈശാഖ്(16) എന്നിവരെയാണ് കാണാതായത്.
തിര ശക്തമായതിനാല് തിരച്ചില് നടത്താനായിട്ടില്ല. അഗ്നിശമനസേനയും തീരദേശ പോലിസും സ്ഥലത്തെത്തി. തീരദേശ പോലിസ് തിരച്ചിലിനായി ബോട്ടിറക്കിയെങ്കിലും കടല് പ്രക്ഷ്ബുധമായതിനാല് സാധിച്ചില്ല. തീരത്തു പ്രത്യേക വൈദ്യുതിവിളക്കുകളും സംവിധാനങ്ങളും ഒരുക്കി രാത്രിയിലും സേനകള് സജ്ജമായിട്ടുണ്ട്. മുങ്ങിത്താഴ്ന്ന ഒരാളെ മത്സ്യതൊഴിലാളികള് കയറ് എറിഞ്ഞു നല്കിയാണ് രക്ഷപ്പെടുത്തിയത്. കടക്കരപ്പള്ളി സ്കൂളില് പ്ലസ് വണ് പ്രവേശനം കാത്തുനില്ക്കുന്നവരാണ് വിദ്യാര്ഥികള്. വൈകിട്ട് അഞ്ചോടെയാണ് ആറംഗസംഘം തീരത്തെത്തിയതെന്നാണ് വിവരം.
ഇതില് മൂന്നുപേരാണ് കടലിലിറങ്ങിയത്. ഉടന്തന്നെ ഇവര് തിരയില്പ്പെടുകയായിരുന്നു. വെള്ളത്തില് മുങ്ങിതാണ ഇവര് സഹായത്തിന് നിലവിളിച്ചു. ശബ്ദദം കേട്ട മത്സ്യതൊഴിലാളികള് എത്തി ഒരാളെ രക്ഷപ്പെടുത്തി. അപ്പോഴേക്കും രണ്ടുപേരും മുങ്ങിതാഴ്ന്നു. ചേര്ത്തല ഡിവൈഎസ്പി ടി ബി വിജയന്റെ നേതൃത്വത്തില് പോലിസും കടക്കരപ്പള്ളിയിലെയും ചേര്ത്തല തെക്കിലെയും ജനപ്രതിനിധികളും മത്സ്യതൊഴിലാളി യൂണിയന് നേതാക്കളും രക്ഷാപ്രവര്ത്തനത്തിന് നേതൃത്വം നല്കുന്നുണ്ട്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
