പ്ലസ് ടു വിദ്യാര്ഥി തൂങ്ങി മരിച്ചതിന് പിന്നാലെ അധ്യാപകനും ആത്മഹത്യ ചെയ്തു
താന് ലൈംഗിക പീഡനത്തിനിരയായി എന്ന് ആത്മഹത്യകുറിപ്പ് എഴുതിവെച്ചാണ് കുട്ടി ആത്മഹത്യ ചെയ്തത്. കാരണം സ്കൂളിലെ കണക്ക് അധ്യാപകനാണെന്ന് ആരോപണമുയര്ന്നു
തിരുച്ചി: കാരൂരില് പ്ലസ് ടു വിദ്യാര്ഥി തൂങ്ങി മരിച്ചതിന് പിന്നാലെ കുട്ടിയുടെ അധ്യാപകനും ആത്മഹത്യ ചെയ്തു.ആരോപണവിധേയനായതാണ് ആത്മഹത്യ ചെയ്യാന് ഹേതുവെന്ന് കരുതുന്നു. തിരുച്ചിയിലെ ഭാര്യ വീട്ടിലാണ് അധ്യാപകനെ തൂങ്ങി മരിച്ച നിലയില് കണ്ടെത്തിയത്. കഴിഞ്ഞ 19നാണ് സ്കൂള് വിട്ടു വീട്ടിലെത്തിയ പ്ലസ് ടു വിദ്യാര്ഥി ആത്മഹത്യ ചെയ്തത്. താന് ലൈംഗിക പീഡനത്തിനിരയായി എന്ന് ആത്മഹത്യകുറിപ്പ് എഴുതിവെച്ചാണ് കുട്ടി ആത്മഹത്യ ചെയ്തത്. തുടര്ന്ന് പെണ്കുട്ടിയുടെ ആത്മഹത്യക്ക് കാരണം സ്കൂളിലെ കണക്ക് അധ്യാപകനാണെന്ന് ആരോപണമുയര്ന്നു. അന്വേഷണം നടക്കുന്നതിനിടെയാണ് അധ്യാപകന്റെ ആത്മഹത്യ.വെള്ളിയാഴ്ചയാണ് വിദ്യാര്ഥി ആത്മഹത്യ ചെയ്തത്. സ്കൂളില് നിന്ന് തിരിച്ചെത്തിയ പെണ്കുട്ടി ആത്മഹത്യകുറിപ്പെഴുതി തൂങ്ങിമരിക്കുകയായിരുന്നു.
ആത്മഹത്യാ കുറിപ്പില് അധ്യാപകന്റെ പേര് പരാമര്ശിച്ചിരുന്നില്ല. ഈ സമയം അമ്മയും വീട്ടിലുണ്ടായിരുന്നില്ല. അയല്വാസിയാണ് പെണ്കുട്ടി തൂങ്ങി നില്ക്കുന്നത് കണ്ടത്. ആശുപത്രിയിലെത്തിച്ചെങ്കിലും മരണപ്പെടുകയായരുന്നു. തുടര്ന്ന് കുട്ടിയുടെ മുറിയില് പോലിസ് നടത്തിയ പരിശോധനയിലാണ് ആത്മഹത്യാകുറിപ്പ് കണ്ടെത്തിയത്. കരൂര് ജില്ലയില് ലൈംഗിക പീഡനം കാരണം ജീവന് അവസാനിപ്പിക്കുന്ന അവസാനത്തെ പെണ്കുട്ടിയായിരിക്കട്ടെ ഞാന്. എന്റെ മരണത്തിന് പിന്നിലാരാണെന്ന് വെളിപ്പെടുത്തുന്നത് എനിക്ക് ഭയമാണ്. ഏറെക്കാലം ലോകത്ത് ജീവിക്കണമെന്നും മറ്റുള്ളവരെ സഹായിക്കണമെന്നുമായിരുന്നു എന്റെ ആഗ്രഹം. പക്ഷേ, ഇപ്പോള് എത്രയും പെട്ടെന്ന് ഞാന് ഈ ലോകം വിടുകയാണ്. കടുത്ത തീരുമാനമെടുക്കുന്നതില് കുടുംബം ക്ഷമിക്കണമെന്നും കുടുംബത്തെ സ്നേഹിച്ചിരുന്നെന്നും പെണ്കുട്ടി കത്തില് പറയുന്നുണ്ട്.
RELATED STORIES
ഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTമോദിയുടെ മുഖ്യ വിമര്ശകന് ധ്രുവ് റാഠി അഞ്ച് പ്രാദേശിക ഭാഷകളില് കൂടി...
19 April 2024 11:00 AM GMTപ്രിയ വര്ഗീസിന്റെ നിയമനം; ഹൈക്കോടതി വിധിക്കെതിരായ ഹരജി അടിയന്തരമായി ...
19 April 2024 10:37 AM GMTലോക്സഭാ തിരഞ്ഞെടുപ്പ്; ഒന്നാംഘട്ട വോട്ടെടുപ്പ് തുടങ്ങി
19 April 2024 5:48 AM GMTബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMT