പോലിസിനെ വെല്ലുവിളിച്ച് പ്രതി ചേർക്കപ്പെട്ട ആരോ​ഗ്യ മന്ത്രിയുടെ സ്റ്റാഫ്

കൽപ്പറ്റ: കോൺ​ഗ്രസുകാരുടെ പണിയാണ് പോലിസ് എടുക്കുന്നതെന്ന് രാഹുൽ ​ഗാന്ധി എംപിയുടെ ഓഫിസ് അടിച്ചുതകർത്ത കേസിലെ പ്രതിയായ ആരോ​ഗ്യ മന്ത്രിയുടെ പേഴ്സണൽ സ്റ്റാഫ് അം​ഗം അവിഷിത്ത് കെ ആർ. ഈ സംഭവത്തിന്റെ പേരിൽ എസ്എഫ്ഐയെ വേട്ടയാടി ചോരകുടിക്കാം എന്ന് കരുതിയിട്ടുണ്ടെങ്കിൽ കേരളത്തിലെ പോലിസ് കോൺഗ്രസ് പ്രവർത്തകരുടെ പണിയാണ് എടുക്കാൻ ഉദ്ദേശിക്കുന്നതെങ്കിൽ ഞങ്ങൾക്ക് പ്രതിരോധം തീർക്കേണ്ടി വരുമെന്ന് ഫേസ്ബുക്കിൽ കുറിച്ചു.

കേസിൽ പ്രതി ചേർത്ത് നിമിഷങ്ങൾക്കുള്ളിലാണ് അവിഷിത്ത് ഫേസ്ബുക്ക് പോസ്റ്റുമായി രം​ഗത്തുവന്നത്. എസ്എഫ്ഐ എന്തിന് ബഫർസോൺ വിഷയത്തിൽ ഇടപെടണം എസ്എഫ്ഐക്ക് അതിൽ ഇടപെടാൻ എന്ത് ആവശ്യമാണുള്ളത് എന്ന് ചോദിക്കുന്നവരോട് ഈ നാട്ടിലെ ജനങ്ങളെ ബാധിക്കുന്ന എല്ലാ വിഷയവും വിദ്യാർഥികൾ എന്ന നിലയിൽ എസ്എഫ്ഐയുടെ കൂടെ വിഷയമാണെന്ന് പറഞ്ഞ് അദ്ദേഹം ആക്രമണത്തെ ന്യായീകരിച്ചു.

സമരത്തിൽ ഉണ്ടായിട്ടുള്ള അനിഷ്ടസംഭവങ്ങൾ അത് ആ സംഘടനയുടെ നേതൃത്വം പരിശോധിക്കട്ടെ, നിയമപരമായി നീങ്ങട്ടെ.. ഇപ്പോൾ വയനാട് എംപി വീണ്ടും 3 ദിവസത്തെ സന്ദർശനത്തിന് വരുന്നുണ്ട് പോലും വീണ്ടും ഞങ്ങൾ ആവർത്തിക്കുകയാണ് വയനാട് എംപിക്ക് സന്ദർശനത്തിന് വരാൻ ഉള്ള സ്ഥലമല്ല അയാളുടെ പാർലമെന്റ് മണ്ഡലം. ഈ സംഭവത്തിന്റെ പേരിൽ എസ്എഫ്ഐയെ വേട്ടയാടി ചോരകുടിക്കാം എന്ന് കരുതിയിട്ടുണ്ടെങ്കിൽ കേരളത്തിലെ പോലിസ് കോൺഗ്രസ് പ്രവർത്തകരുടെ പണിയാണ് എടുക്കാൻ ഉദ്ദേശിക്കുന്നതെങ്കിൽ ഞങ്ങൾക്ക് പ്രതിരോധം തീർക്കേണ്ടി വരുമെന്ന ഭീഷണിയുമായാണ് പോസ്റ്റ് അവസാനിപ്പിക്കുന്നത്.