യുഡിഎഫ് സ്ഥാനാര്‍ഥിയെ പാമ്പുകടിച്ചു

ആലത്തൂര്‍: കാവശ്ശേരി ഗ്രാമപഞ്ചായത്ത് ഒന്നാം വാര്‍ഡ് പാടൂര്‍ പീച്ചങ്കോട്ടെ യുഡിഎഫ് സ്ഥാനാര്‍ഥി അനില അജീഷിന് (34) തിരഞ്ഞെടുപ്പ് പ്രചാരണത്തിനിടെ പാമ്പുകടിയേറ്റു. ബുധനാഴ്ച രാവിലെ എട്ടോടെ വീടിനടുത്ത് വലത് കൈക്കാണ് പാമ്പിന്റെ കടിയേറ്റത്. വെള്ളിക്കെട്ടന്‍ ആണ് കടിച്ചത്. ഉടന്‍ പാലക്കാട് ജില്ല ആശുപത്രിയില്‍ പ്രവേശിപ്പിച്ചു. രണ്ടു ദിവസത്തെ നിരീക്ഷണം വേണമെന്നാണ് ഡോക്ടര്‍മാര്‍ നിര്‍ദേശിച്ചിരിക്കുന്നത്.