ലൈംഗിക പീഡനക്കേസ്;ഇരയുടെ വസ്ത്രധാരണം പ്രകോപനപരം,സിവിക് ചന്ദ്രനെതിരായ പീഡനാരോപണം നിലനില്ക്കില്ലെന്ന് കോടതി
കോഴിക്കോട്:ഇര ലൈംഗിക പ്രകോപനം ഉണ്ടാക്കുന്ന വസ്ത്രം ധരിച്ചതിനാല് സിവിക് ചന്ദ്രനെതിരായ ലൈംഗികാതിക്രമ പരാതി നിലനില്ക്കില്ലെന്ന് കോഴിക്കോട് ജില്ലാ സെഷന്സ് കോടതി.സിവിക് ചന്ദ്രനെതിരായ ലൈംഗിക പീഡനക്കേസില് ജാമ്യം അനുവദിച്ച്കൊണ്ട് ജഡ്ജി കൃഷ്ണകുമാറിന്റെ വിധിയിലാണ് ഇരക്കെതിരായ പരാമര്ശമുയര്ന്നത്.
പരാതിക്കാരി ലൈംഗിക പ്രകോപനമുണ്ടാക്കുന്ന വസ്ത്രം ധരിച്ചതിനാല് ലൈംഗികാതിക്രമ പരാതി 354എ പ്രഥമദൃഷ്ട്യാ നിലനില്ക്കില്ലെന്നാണ് കോടതി ഉത്തരവില് പറഞ്ഞിരിക്കുന്നത്.ജാമ്യാപേക്ഷയ്ക്കൊപ്പം സമര്പ്പിച്ച ഫോട്ടോകളില് ഇരയുടെ വസ്ത്രധാരണ രീതി ലൈംഗിക പ്രകോപനം ഉണ്ടാക്കുന്നതാണെന്ന് വ്യക്തമാണെന്ന് കോടതി ഉത്തരവില് പറയുന്നു.74 വയസുള്ള ശാരീരിക ശേഷിയില്ലാത്ത സിവിക് ചന്ദ്രന് പരാതിക്കാതിരെ ബലം പ്രയോഗിച്ച് പീഡിപ്പിച്ചു എന്ന് പറയുന്നത് വിശ്വസിക്കാന് കഴിയില്ലെന്നും കോടതി പറഞ്ഞു.
2020 ഫെബ്രുവരി എട്ടിന് കൊയിലാണ്ടി നന്തി കടല് തീരത്ത് നടന്ന കവിതാ ക്യാംപിനെത്തിയപ്പോള് സിവിക് ചന്ദ്രന് ലൈംഗികാതിക്രമം നടത്തിയെന്നാണ് യുവ എഴുത്തുകാരിയുടെ പരാതി.ലൈംഗികമായി അതിക്രമിച്ചെന്ന് കാണിച്ച് മറ്റൊരു ദലിത് എഴുത്തുകാരിയും സിവിക് ചന്ദ്രന് എതിരെ പരാതി നല്കിയിരുന്നു.ഈ കേസില് സിവിക്ക് ചന്ദ്രന് നേരത്തെ മുന്കൂര് ജാമ്യം ലഭിച്ചിരുന്നു. രണ്ടാമത്തെ കേസില് ഓഗസ്റ്റ് 12ന് ആണ് സിവിക് ചന്ദ്രന് കോടതി മുന്കൂര് ജാമ്യം അനുവദിച്ചത്. ഇതിന്റെ ഉത്തരവ് പുറത്തിറങ്ങിയതോടെയാണ് കോടതിയുടെ പരാമര്ശം പുറത്തു വന്നത്.കോടതിയുടെ പരാമര്ശം വിവാദമായതോടെ വന് വിമര്ശനങ്ങളാണ് ഉയരുന്നത്.
RELATED STORIES
ദമ്പതിമാരെന്ന വ്യാജേന വീട്ടിൽതാമസിച്ച് കഞ്ചാവ് വിൽപ്പന: രണ്ടുപേർ...
20 April 2024 6:44 AM GMTസിനിമാ സംവിധായകന് ജോഷിയുടെ വീട്ടില് മോഷണം
20 April 2024 6:43 AM GMTകഞ്ചാവ് ചെടികളുമായി അസം സ്വദേശി പിടിയില്
20 April 2024 6:16 AM GMTമാസപ്പടി കേസ്: വരുംദിവസങ്ങളിൽ കൂടുതൽ പേരെ ചോദ്യം ചെയ്യുമെന്ന് ഇഡി
20 April 2024 6:14 AM GMTവിവാഹാലോചനയിൽ നിന്ന് പിന്മാറി; യുവതിയെ വെട്ടിപ്പരിക്കേൽപിച്ചു
20 April 2024 6:13 AM GMTഎഐ ക്യാമറ വഴി പിഴക്ക് നോട്ടിസയക്കുന്നത് നിര്ത്തി കെല്ട്രോണ്
20 April 2024 6:08 AM GMT