മയക്കുമരുന്ന് നല്കി 17 വിദ്യാര്ഥികളെ പീഡിപ്പിച്ച സംഭവം: സ്കൂള് മാനേജര് അറസ്റ്റില്
ക്ലാസില് നടന്ന കാര്യങ്ങള് പുറത്ത് പറഞ്ഞാല് വിദ്യാര്ഥികളെയും കുടുംബാംഗങ്ങളെയും കൊന്നുകളയുമെന്ന് ഇയാള് ഭീഷണിപ്പെടുത്തിയിരുന്നു
ലഖ്നൗ: ഉത്തര്പ്രദേശില് പ്രാക്ടിക്കല് പരീക്ഷയുടെ പേരില് സ്കൂളിലേക്ക് വിളിച്ചു വരുത്തിയ 17 വിദ്യാര്ഥികളെ മയക്കുമരുന്ന് നല്കി പീഡിപ്പിച്ച സംഭവത്തില് സ്കൂള് മാനേജര് അറസ്റ്റിലായി. പിടിയിലായ സ്കൂള് മാനേജര് യോഗേഷ് കുമാറിനെ കോടതിയില് ഹാജരാക്കി റിമാന്റ് ചെയ്തു. മൊഴി രേഖപ്പെടുത്തുന്നതിനായി രണ്ട് വിദ്യാര്ഥികളെയും കോടതിയില് ഹാജരാക്കി. ഇവരില് ഒരാളുടെ മൊഴിമാത്രമാണ് രേഖപ്പെടുത്താന് സാധിച്ചത്. നവംബര് 17ന് മുസാഫര് നഗറിലെ സ്വകാര്യ സ്കൂളിലായിരുന്നു വിദ്യാര്ഥികളെ പീഡിപ്പിച്ച സംഭവമുണ്ടായത്. പ്രാക്ടിക്കല് പരീക്ഷക്കുവേണ്ടി സ്കൂളില് എത്തിയ വിദ്യാര്ഥികള് രാത്രി സ്കൂളില് തങ്ങിയിരുന്നു. രാത്രിയാണ് കുട്ടികളെ പ്രതി പീഡിപ്പിച്ചത്. കുട്ടികള് പിറ്റേ ദിവസമാണ് വീടുകളില് തിരിച്ചെത്തിയത്. ക്ലാസില് നടന്ന കാര്യങ്ങള് പുറത്ത് പറഞ്ഞാല് വിദ്യാര്ഥികളെയും കുടുംബാംഗങ്ങളെയും കൊന്നുകളയുമെന്ന് ഇയാള് ഭീഷണിപ്പെടുത്തിയിരുന്നു. ഈ പെണ്കുട്ടികളെല്ലാം പാവപ്പെട്ട കുടുംബങ്ങളില് നിന്നുള്ളവരാണ്. സംഭവമറിഞ്ഞ പെണ്കുട്ടികളുടെ രക്ഷിതാക്കള് പോലിസില് പരാതി നല്കാന് ശ്രമിച്ചെങ്കിലും നടന്നില്ല. തുടര്ന്ന് സ്ഥലം എംഎല്എ പ്രമേദ് ഉത്വലിനെ സമീപിച്ചതോടെയാണ് സംഭവം പുറംലോകം അറിയുന്നത്. പരാതി കിട്ടിയിട്ടും ആവശ്യമായ നടപടി എടുക്കാതിരുന്ന പുര്കാസി സ്റ്റേഷനിലെ ഉദ്യോഗസ്ഥര്ക്കെതിരേ വകുപ്പു തല അന്വേഷണത്തിന് സര്ക്കാര് ഉത്തരവിട്ടിട്ടുണ്ട്.
RELATED STORIES
കോഴിക്കോട് മെഡിക്കല് കോളജില് വീണ്ടും ശസ്ത്രക്രിയ പിഴവെന്ന് പരാതി;...
19 May 2024 4:49 AM GMTതിരുവനന്തപുരത്ത് തോരാമഴ; പൊന്മുടി ഇക്കോ ടൂറിസത്തിലേക്കുള്ള യാത്ര...
19 May 2024 4:42 AM GMTമേയർ-കെഎസ്ആർടിസി ഡ്രൈവർ തർക്കം; യദു ഓടിച്ച ബസിലെ വേഗപ്പൂട്ടും...
18 May 2024 2:15 PM GMTഇന്ഡ്യ സഖ്യത്തില് തൃണമൂല്: 'അനുസരിച്ചില്ലെങ്കില് പുറത്താവും';...
18 May 2024 10:46 AM GMTഅന്ന് ആര്എസ്എസ് സഹായം വേണ്ടിയിരുന്നു; ഇന്ന് ബിജെപി വളര്ന്നു: ജെ പി...
18 May 2024 10:06 AM GMTസംസ്ഥാനത്ത് അതിതീവ്ര മഴയ്ക്ക് സാധ്യത; മൂന്ന് ജില്ലകളിൽ റെഡ് അലർട്ട്
18 May 2024 9:51 AM GMT